Urdu and Immigrants

From the sharp ink of Dr. Shabih Manzar in the USA (read at his facebook page)

مادری زبان

 “یہ سب تمہارا قصور ہے

 “اب یہ کہاں کا انصاف ہے کہ بچے اگر امریکہ میں پلے بڑھیں اور اردو نہ بولیں تو ماں کا قصور ہے؟ ” اکیلی عورت کیا کیا کرے۔ دیگر علاقائی زبانیں اور قومی زبانیں تو ماں سے منسوب نہیں پھر اردو کیوں؟

اردو ایک علاقائی اور قومی زبان ہے امریکن بچوں کا اس سے کیا لینا دینا۔ اب زور زبردستی کرکے اردو سکھائیں گے تو نتیجہ کچھ اچھا تو نہ ہوگا۔ ہندی فلموں کی بدولت تھوڑی بہت اردو بچی ہوئی ہے ورنہ تو کب کی مر گئی ہوتی۔ ماں سے گلہ کرنا کہ اس نے زبان نہیں سکھائی یہ غلط بات ہے۔

 زبان کو مرتا دیکھ کر افسوس تو ہوتا ہی ہے مگر یہی ارتقاء ہے۔ کس نے کہا ہے کہ ہجرت آسان ہے۔ نہ کوئی زمین ماں تھی اور نہ اردو مادری زبان۔ 

 بس پہلی نسل زبان کو سنبھالے رکھتی ہے۔ محبت کہیں یا مجبوری۔ یہی ہے سچ کہ 

  .......تھی اردو کبھی زباں اپنی

 پرانے پیڑ پہ تھا آشیاں محبت کا

 ش۔م