Jab hum chote the to har chutti wale din hamare ghar ya to koi mamu ya taya aa jate. Raat ke khane ke baad der tak batain hoti. Tab hamari dadi mehmano se kehtin:
"Bus ab sab tum khairyat se apne apne ghar paunch jao - aur subah apne apne kaam pe hazir ho jao."
Hum sab dadi ka mazq uRate ke - lo dadi sab mehmanoN ko bhaga rahi hain.
Ab sab sochta hun ke ye kitni achhi dua thi.
Jab tak insaan ke paas aik pursakoon ghar, aur rozgaar ki naimat hai - zindagi main aur kiya chahiye?
No comments:
Post a Comment