Thursday, January 31, 2008

Zehni dabao !

Meri zindagi main bohut hi aese kum mauqe (occasions) aaye honge jub main apni bisat se ziyada roya. Aik to jub abbu faut huwe aur aik jub Zia shahab ki betion, Uzma aur Neeha ki maut hui.

Zia shahab ka makan shayed hamare mohalle ka wahid 3 manzila makan tha. Makan kiya tha puri kothi thi. Kafi arse to woh makan band raha magar phir zia shahab wahan rehne aaye. Raat ko unke dalan aur bageeche main bare bare barqi qumqume roshan hote to poora mohalla jagmage uthta. Zia shahab ke 4 bachhe the. 3 bari betiyan uzma, rafat aur neeha aur sub se chota beta asghar. Uzma aur neeha zehni tor per kamzor thin (mentally challenged). Asghar ko main tution parhaya kerta tha. Zia shahab ko kitabon ka shoq tha, yun hamari aur zia shahab ki khub dosti ho gai. Kuch hi mahinon main main Zia shahab ke ghar ke fard ki tarah ho gaya, khas tor per Uzma aur asghar mere bohut qareeb aa gaye. Zia shahab aksar kehte, ab mee 4 nahi 5 bachhe hain. Aur Asghar aur Uzma ko to jese bara bhai mil gaya. Mujhe bhi un se bohut apnaiyat ka aehsas hota. Main jub bhi bazar ke liye nikalta, asghar ko saath le lete.


Zia shahab ki begum bimar rehti thin. Bimari kiya thi bus shadeed depression tha. Ghar main 2 zehni maazor bachion ka dukh hi hune bistar se lagane dene ke liye kafi tha.

Is waqiye se pehle hame sirf itna ilm huwa ke rafat ke 2 achhe rishte uzma aur neeha ki zehni maazuri ki wajah se thukra diya gaye aur is baat ne Zia shahab ki biwi ko aur karwa kasila bana diya. Ya to bachhion pe cheekhti chillati rehtin ya phir har waqt roti rehtin.

"Uz roz" Sham dhalne ko thi. Main Zia shahab ke makan main daakhil hi huwa tha ke darwaze pe asghar pe nazar pari. Woh khara kaanp raha tha aur zor zor se cheekhain mar raha tha. Main ne poocha kiya huwa to usne saamne ishara kiya. Uzma zameen pe behosh pari thi aur sir se khun beh raha tha aur mere saamne usi waqt uper se neeha aa ker giri !


Zia Shahab ki begum ne dono bachhion ko teesri manzil se dhakka de diya !! Main ne sirf neeha ka marna dekha magar 6 baras ke asghar ne shahyed dono behanon ki maut khud dekhi !

Awwal to mere ausan khata ho gaye. Meri umer bhi koi 24/25 baras hi rahi hogi. Kuch samjh na aaya. Chat ki taraf dekha to Zia shahab ki begum ki sirf jaati shakal nazar aai. Asghar ko sambhalun ke uzma neeha ko dekhun ya ghar ke andar ja ker Zia shahab ko khabar karun? Asghar ko main ne wahin chora. Uzma aur Neeha ki taraf bhaga. Dono pata nahi zinda bhi thin ya nahi.. Main ghar ke andar dora ke edhi walon ko phone karun, ambulance bulwaun.......

......aage ka haal sirf bayan hi hai.....

Uzma aur neeha hospital paunchne se pehle mar chuki thin. Police aur FIR ka bakhera bhi huwa. Zia shahab ne begum ko zehni mareezon ke hospital main daakhil kerwa diya. Main pehli baar 6 mahine america reh ker wapas pakistan pauncha to woh log kisi ko bataye bagair kahin aur chale gaye the . Woh imarat phir wiran ho gai.

Aaj itne barson baad bhi mujhe ye samjhna mushkil hai ke woh kiya zehni dabao aur blind spots hote hain ke log apni hi aulad ko jaan se maar dete hain.


Shayed aap ko Sameer ali uncle bhi yaad hon.

Wednesday, January 30, 2008

SUCK IT UP !

In life, we learn less from books but more from people.

Insan khuda ki sab se bari kitab hai !

Marilyn worked with me for about 2 years. She was a nurse. She was a single mom of 2 boys and always tight from money end but I never saw her upset or her worries interfering with her work. Actually, she was one of the most pleasant person around. Aese log jin ke liye dil kerta hai ke woh aap ke aas paas rahain.

One day Marilyn was late from work. She called ahead. Her Toyota's transmission failed. When she showed at work I said: "Should be covered with your warranty, right?". "No", She replied, "I bought it at 50 K miles so it was covered only for 30 days from dealer. Now I have to pay from my pocket and its a lot of money, atleast for me" .

I said: "Marilyn, you are amazing. How you just absorb all these shocks in life without having any expression on face but just with a smile". (mathe pe koi shikan nahi)

She said: "I do get upset for moments but you know many times in life we don't have choices. We have to deal with it. I just say 3 words to myself and I move on with my life. And those 3 words are - SUCK IT UP - "

Mujhe ye baat yaad reh gai. Mujhe bhi jub kisi aesi suratehaal ka saamna hota hai ke mera koi bas nahi chalta to main apne aap se kehta hun - SUCK IT UP - and I move on with my life"

Thanks Marilyn !

Monday, January 28, 2008

Polybookamous

Aisha ne jo recent post likhi he: Aisha, the bookworm, us ko parh ker mujhe aik baat ka andaza huwa ke:

When it comes to gender, men are polygamous and women are monogamous (for which men always receive bashing from women)

But

When it comes to book, women are polybookamous and men are monobookamous (but men don't get jealous!)

I seldom see man reading 4/5 books simultaneously. I think men are more focused....lol.

Sunday, January 27, 2008

Amma ki Dua

Jub main ne USA main nai nai residency shuru ki to meri mulaqat aik Pakistani doctor, Dr. Saima se hui thi. Us waqt woh aik university hospital main senior fellow thi. Uska taaluq Faisalabad se tha.

Kai barson baad achanak kuch dino pehle usse aik conference main phir mulaqat ho gai. Itne barson main Saima ne khub taraqqi ki aur ab apni university main aik residency program ki program director hai aur aik ivy league university main associate professor ki faculty position per hai.... In last 10 years, she is widely published and well known in her speciality.

Conference main coffee break ke doran main ne kaha: "Saima tum itni bari doctor bun jao gi, kum az kum mujhe yaqeen nahi tha" !

Saima ne jawab diya: "Sochti hun to yaqeen to mujhe bhi nahi aata magar kubhi kubhi lugta hai ye aik amma ki dua'on ka nateeja hai. Main Faisalabd ke District Head Quarter hospital main house job ker rahi thi. Lagta yahi tha ke shadi ho gi aur phir kahin baal bachon ke saath kisi choti si clinic main part time job karungi. Hamare hospital main aik 17 baras ki lurki TTP (Thrombotic thrombocytopenic purpura) ke saath admit hui. She was half dead. Hum uska dil-jamai se ilaj kerte rahe. Uski amma roz dua deti ke - 'Allah tumhe bohut bari dactar banaye' aur hum larkiyan hastin ke allah jaane ye 'bohut bari dactar' kesi hoti hogi. Phir qismat ne aesi chal chali ke ab tumhare saamne hun. Aaj bhi us amma ka chehra bohut yaad aata hai" !

Friday, January 25, 2008

Sahara


Jub meri sare teen (3 1/2) baras ki bachhi meri ungli tham ker sirhiyan utar rahi thi to mujhe ye faraq kerna mushkil ho gaya ke kaun kis ka sahara hai !

Thursday, January 24, 2008

Long distance relationship


No Dear No ! long distance relationship doesn't work despite email, cell, SMS, chat and cam. Human relationship needs touch of humans !!

Wednesday, January 23, 2008

Tell me why !

Song from Declan Galbraith

In my dreams children sing
A song of love for every boy and girl
The sky is blue the fields are green
And laughter is the language of the world
Then I wake and all I see is a world full of people in need
Tell me why, does it have to be like this
Tell me why, is there something I have missed
Tell me why, I don't understand
When somebody needs somebody
We don't give a helping hand
Tell me why
Every day I ask myself what I have to do to be a man
Do I have to stand and fight
To prove to everybody who I am
Is that what my life is for
To waste in a world full of war
Tell me why, does it have to be like this
Tell me why, is there something I have missed
Tell me why, I don't understand
When somebody needs somebody We don't give a helping hand
Tell me why
Tell me why
Tell me why
Just tell me why
Why why, do the tiders run
Why why, do we shoot the gun
Why why, do we never learn
Can someone tell us why we cannot just be freinds
Why Why

Tuesday, January 22, 2008

Dil Dosti Etc.

India main haal hi main aik film bani hai 'Dil Dosti etc.' Is film ko dekhte huwe pehle aap ko ghin aaye gi magar is film ko dekhne ke liye 'z-axis ki soch' chahiye !

Ye film kahani hai aik aese naujawan ki jo 'values' ke saath is naye zamane main jina chahta hai. Ye 'iqdar' (values) aaj ke daur main 'middle class shit' kehlati hai. Ye naujawan college ka election jeet jata hai magar mohabbat ki jang har jaata hai. Ye kahani aik aese dusre naujawan ki hai jo 'lost' hai. Jo sex main mohabbat dhund raha hai. Ye kahani hai aik bigri lurki ki jo deceptive hai ! Ye kahani hai aik aesi dusri lurki ki, jo apne modelling career ki acknowledgment na milne pe bagawat pe utar aati hai. Ye kahani hai aik aesi ma (mother) ki jo apni beti se pareshan hai aur beti ki izzat ki fiqar main hai - magar saath hi aik aese baap ki jo khud apni beti ko swim suit pahenwa ker modelling kerwana chahta hai ! Ye kahani hai aik prostitute ki jis ko mohabbat ho jaati hai.

Ye kahani hai us 'confusion' ki jo hamare muashre main conservative aur liberal values ki 'new poutporri' se hui hai. Ye kahani hai hum sub ki !


Very nicely made song from movie dum laga dum laga

Saturday, January 19, 2008

Gurbat, Khuwaishat aur Pakistan !

Aaj jo post main likhne ja raha hun, us ko parh ker aap ko gussa aaye ga, ghin aaye gi, dukh ho ga - aaya aap ke andar koi talatum paida ho ga bhi ya nahi - mujhe nahi maalum.

Main bhi rozana hur insaan ki tarah akhbar parhta hun aur duniya bhar ki khabrain sunta hun, un pe kurhta hun, bahes kerta hun, duhaiyan deta hun aur phir raat ko chen ki neend so jaata hun. Kuch hafton pehle main Pakistan gaya aur wahan mulk ke halat dekh ker main kafi disturb lota. Neeche likhe gaye tin waqiyat ko 'absorb' kerne main mujhe din nahi bulke hafte lug gaye aur main aik ajeeb zehni takleef main mubtala raha. Aesi takeef mujhe aakhri baar aaj se 5 baras pehle us waqt hui thi jub main ne Rohinton Mistry ka novel "A Fine Balance" Parha tha !

1. Geo TV wale Pakistan ke 'aik aam aadmi' se interview ker rahe the - jinhe hum kammi kamin ya diplomatically 'low class' log kehte hain. Aese hi aik kammi kamin se pucha gaya ke: 'Zindagi main tumhari kiya khwaish hai?' to us ne jawab diya: 'Mera dil kerta hai anda aur seb (Egg & apple) khaun?' - itni gurbat !

2. Karachi paunchne ke baad aik din main apne bachpun ke aik dost se milne purane mohalle gaya. Main ne us se kaha: 'ghar pe khul ker baatain nahi hongi, chalo aaj nihari ki usi hotel pe beth ker khana khate hain jahan betha kerte the'. Jub hum hotel pe bethe to us ne kaha: 'yaar daal chawal mangwa lete hain' ! - Mujhe ye baat samjhne main der nahi lagi ke us ki jeb main Nihari aur Naan ke paise nahi ! Jis mulk main aik theek thak parha likha shaksh Naan Nihari afford na ker sake - zara sochiye !

3. Karachi main mere aakhri do din the. Main apne aik dost ke saath 'lasbela ke aik chai khane' pe bethe - Pakistan ke halat pe apne dil ke pahphole phor raha tha. Mujhe yaqeen nahi aa raha tha gurbat itni barh chuki hai aur uski wajah se street crime, gadagari aur prostitution is qadar aam ho chuki hai.

Mere dost ne jo baat kahi, usi ki zabani suniye:

"Tum Pakistan main street crime, prostitution aur gadagari ka zimmedar sirf corrupt hukumat ko qarar kiun dete ho. Is kharabi main muhashre ke har tabqe ka kum ya ziyada magar kuch na kuch qasoor zaroor hai. Jahan hukumat ka corruption hai wahan logon ka ye qasoor hai ke unho ne bhi apni khuwaishat ko bohut barha liya hai. Us pe media ke dramon main aalishan makan, gariyan, khubsurat libas aur pur-taayush zindagi ki tasveer ne subah sham jo aag lagai hai woh alag hai. Hur shaks ko Car, cell phone, cable, computer, shampoo, branded shoes aur naye naye kapre pahnne ka shoq hai. Sharab peena ab fashion main shamil hai. Aaj main tumhe apne ghar ka aesa qissa sunata hun jo sirf meri zaat tuk mehdood tha.

Tum jaante ho main theek thak salary kamata hun magar mere ghar main rozana meri biwi se jhagra hota tha kiunke mere liye uski hur 'aarzu' ko pura kerna mumkin nahi tha. Peechle 6-8 mahine se ye jhagre bohut barh gaye the. Us din bhi bohut jhagra huwa. Mujhe office ke kaam se aksar 2/3 din ke liye hyderabad jaana parta tha. Us din jhagre ke baad main hyderabad nikal gaya. Wahan pauncha to yaad aaya ke sare zaroori kaagzat to karachi main reh gaye. Jhagre ki wajah se dimag thikane pe hi nahi tha. Un kaagzat ke bagair meri meeting bekaar thi. Main ne office walon se keh ker meeting postpone kerwai aur usi waqt bus le ker karachi wapas nikal para. Sham ke waqt karachi pauncha. Mohalle main daakhil huwa to mere dono bachhe safoora apa ke ghar main ghus rahe the. Main ne poocha: 'wahan kiyun?' to bole: 'ammi kahin ja rahi hain. Raat der se lotain gi' Mujhe baat ajeeb lagi. Mere paas ghar ki chabi thi. Main bagair bataye chupke se andar daakhil huwa. Meri biwi sirf undergarmets pehne bedroom main tayyar ho rahi thi. Jis design ki panty usne pehni thi woh aik sharif gharane ki aurat shayed na pehne. Use CD player ke shor main mere aane ka aehsas nahi tha. Main chup chap ghar se nikal gaya. Kuch der baad meri biwi ghar se nikal ker main road per aayi. Main uske peeche chalne laga. Thore aage ja ker aik gari aa ker ruki aur meri biwi us main beth gai. Meri biwi aik call girl bun chuki thi !!"



Chalte chalte BBC ki ye News bhi parh lijye Grim life for Bangladeshi prostitutes

Friday, January 18, 2008

10 lessons

I received following as fwded e-mail (which we all do everyday) - but I think this one is worth sharing.



Marry a man/woman you love to talk to . As you get older, their conversational skills will be as important as any other.

Don't believe all you hear, spend all you have or sleep all you want.

Never laugh at anyone's dream. People who don't have dreams don't have much.

Love deeply and passionately. You might get hurt but it's the only way to live life completely.

Don't judge people by their relatives.

Say 'God bless you' when you hear someone sneeze.

When you lose, don't lose the lesson.

Don't let a little dispute injure a great friendship.

Smile when picking up the phone . The caller will hear it in your voice.

Spend some time alone.

Wednesday, January 16, 2008

Sukh aur Dukh

Agar aap ko yaad ho to main ne is blog pe apne aik teacher Sir Aleem ka qissa likha tha ke woh apni nauiyyat ke alag 'islamiat' ke teacher the (here).

Aik din un ki class main 'Sukh aur Dukh' ke subject pe garma-garam bahes ho rahi thi. Hum sirf dasween (10th) main the magar bare maulvi bante the. Apni apni aqal ke mutabiq bahes ker rahe the. Tub unhon ne black board pe Hindustan ke kisi sufi ka ye sher likh diya (what a teaching - writing on black board scrpited that sher in my brain forever).

Sukh ne dukh doye, 'hazrat' likhya re piya
so dosh kisi ko naahi dewe maherban mera

Sir Aleem ne bataya ke is sher ki aik aam aadmi tashree ye kerta hai ke 'uper wale' (hazrat) ne sub ka sukh aur dukh likha hai is liye kisi ko kiya ilzam dena?

Magar baqol sir aleem, ye tashree theek nahi. Un ke mutabiq 'hazrat' ka lafz kubhi kahin kisi jagah 'uper wale' ke liye istimal nahi hua, bulke 'hazrat' khud insaan ko kehte hain - insan khud apna sukh aur dukh likhta hai, isliye 'uper wale' ko kiya ilzam dena ?

Woh aksar kehte, kisi ke saath aaj neki karo ge - kul kahin aur kaam aaye gi. Aaj achhe kaam pe paise kharch karo ge to kul daulat mile gi - Aur - kisi ka dil aaj toro ge, kisi ko aaj dukh do ge to - zindagi main kisi aur tarah nuqsan uthao ge. Dukh do wajah se aate hain. Ya to allah aazmata hai * ya phir bure amal ka payback! Bus dono se darte raho aur 'surah asar' ka wird kerte raho !


* Mujhe yaad hai is baat per main ne Ghalib ka ye misrah parha tha aur unhon ne muskura ke mere baal bikhar diye the - yahi hai aazmana to satana kis ko kehte hain !

Monday, January 14, 2008

Aameen !

Mere nana jab bhi akhbar main quetta ya murree main barafbari ki khabar parhte he to un ki zaban se nailata: "Al-hamdulillah". Unka kehna tha ke baraf-bari apne saath naik-shagoon le ker aati hai.

Suna hai peechle hafte, Baghdad (after 100 years) aur Rawalpindi main kai barson baad baraf-bari hui.

Allah kare ye naik-shagoon ho !


(If any reader from rawalpindi can tell, after how many years ? )

Sunday, January 13, 2008

Sexiest dance ever!

If you ask me to identify the sexiest song ever made in Bollywood - I will say the following one - Who else other than Madhuri!

(I remember we roommates watched this song at least 100 times in a week when it was released, and it was pretty warming in Chicago's cold)

Saturday, January 12, 2008

Pakki dosti ki dakar

Unhon ne mere saath khana khaya phir lumbi dakar (burp) li aur kaha: "Lo ab tumhari hamari dosti pakki ho gai"

"Mutlab?" main ne poocha.

"Agar aap kisi ke saamne bagair kisi hichkichahat ke dakar maar sakain to samjhain usse aapki dosti pakki ho gai".

Friday, January 11, 2008

meri palkon ko mut dekho


Aaj Pakistan, bulke mera Pakistan - jin halat main hai - Mustafa Zaidi ki ye nazam bohut yaad aa rahi hai. Yun lugta hai mustafa Zaidi ne mere dil ka haal likha hai.
Tina Sani also sung it so well , listen here


meri palkon ko mut dekho
inka uthna inka jhapkna
jism ka na-mehsus samar hai

meri aankhon ko mut dekho
inki aut main shame gareeban
inki aar main dashte azal hai

mere chehre ko mut dekho
is main koi wade farda
is main koi aaj na kul hai

ab us darya tuk mut aao
ji ki lehrain ruth chuki hain
us kunwain se lo na lagao
jis ki nabzain chut chuki hain

ab mere qatil ko chaho
mera qatil marham mrham
darya darya sahil sahil

qaziye shahr ka matha chumo
jis ke qalam main zahre hilahil
jis ke sukhan main lahle salasil
ab us raqs ki dhun pe nacho
ji ki gat per lut gaya qazi
jis ki ley per bik gaya qatil

bik gaya qatil
bik gaya qatil

meri aankhon ko mut dekho

Tuesday, January 08, 2008

Anandi

Is blog pe prostitution pe 2/3 post pehle bhi likh chuka hun, jese "Aik prostitute se mulaqat", "Kaun bikta nahi zamane main" , "Parveen ki Kahani, New York Times ki zubani" aur phir "laga chunari main daag".

Ab ki baar main karachi gaya to mere bhatije Noor Mohammad ne kaha: "Chacha ! aik baar to baazare-husn le chalain, aap to sirf qisse hi sunate hain" Main ne kaha, "Zaroor le chalunga magar pehle tumhe Ghulam abbas ka afsana 'Anandi' parhna parhe ga" ! Saizak ne bhi isi blog pe kahin comments main Ghulam Abbas ke afsanay "Anandi" ka zikar kiya tha.

"Anandi" bhi aik kamal ka afsana hai. Kahani ka theme ye hai ke kese bazare-husn ke baais shahr baste hain aur phir wahi basti wale un aurton ko basti se nikal bahir kerte hain. Is poore afsanay ki zaban is qadar shaishta hai ke kahin se afsana bazari nahi lagta. Aur lamha ba lamha jese kahani aage barhti hai woh parhne se taaluq hai aur hame batata hai ke likhne waala kitna bara writer hai.

Agar aap urdu rasmul-khat parh sakte hain to ye afsana zaroor parhiye. Aap ko andaza ho jaaye ga ke bazare husn ke ilaqon main is qadar raunaq kese lagti hai aur in 'bazari aurton' ke baais kese kai aur insaan apni rozi-roti kama lete hain!
Kehte hain kisi bhi afsane ke bare-pun ka izhar, uski aakhri 'punch line' hoti hai. Is afsane ki aakhri line bhi kuch aesi hi hai!

Read here ( I hope this link remain alive)

Sunday, January 06, 2008

Nawaye sarosh

I was unable to find answer to a little glitch at one of our professional website. I went to bed thinking of it and this morning I woke up with a very clear answer. And NO I never knew that things can be done that way too ! I could not stop saying

Aate hain ghaib se ye mazamin khayal mein
Ghalib sarire-khama nawaye sarosh hai

(These thoughts emanate to mind from the 'unseen',
Ghalib! noise of your pen is actually the voice of an angel).


Related previous posts: 5 AM , Alarm Clock


* I think, concept of istikhara is based on this too.

Saturday, January 05, 2008

4 Stages of life

So true - Man's 4 stages of life

Childhood - dependent on support (milk)
Younghood - Busy in fun (coca-cola)
Mid-life (crisis) - getting depressed - drinking - wtf my life was/is
Oldhood - Sickness / fragility - getting IV drip


Related previous post: Solomon Grundy

Friday, January 04, 2008

AH! - those roadside films

I watched this movie, "Tum Salamat raho" when I was 8 or 9 years old at roadside screen. 25/30 years back (ah! those golden days of Karachi), it was a tradition to erect open air screen with white cloth (call chandni)  on any good auspicious occasion. I had completely forgotten that part of my childhood. Thanks to youtube, where I found this amazing ghazal of Ghulam Ali. I was too young to understand movie, acting (watch Mohammad Ali - he is so natural), music and poetry at that age. Bus itna yaad hai ke jab film khatam hui to mujhe bara dukh huwa tha aur main bara 'sad' ho gaya tha. Bus dil ker raha tha ke meri zindagi ka ye khubsurat lamha kabhi khatam na ho !

Wednesday, January 02, 2008

Sitare

Ye ittafaq to nahi ho sakta. Ye sitaron ka kesa khel hai... ?

Liaqat Ali Khan jub qatal ho ke Rawalpindi Hospital laaye gaye to Dr. Sadiq Khan ne unhe attend kiya.

56 years later....

Jub Benazir Bhutto qatal ho ke Rawalpindi Hospital layi gai to Dr. Sadiq Khan ke bete Dr. Mussadiq Khan ne unhe attend kiya.

Shayed Khan family ke sitaron main ye kaam kerna likha tha. Ye sirf "husne-ittafaq" to nahi ho sakta. Baqol Faiz:

Is tarah hai ke pase-parda koi sahir hai
jis ne afaq pe pehlaya hai yun saher ka daam

(Its like, there is a magician in the background
who weaved the mirage of magic over universe)