Black hole (aik nazam)

Black hole

Kiya jo waaqiya mujh pe nahi guzra
main us qisse ka bhi hissa hun
Kiya judaai ka jo lamha mujh pe nahi beeta
main us ghari ka bhi hissa hun

aik wqat mere ander rehta hai
zaman-o-makan se pare
jo saalim mukammal hai
maazi ki sadion se aTa aur
mustaqbil ki goonj se bhara
main kaainat ke us nuqte,
us 'black hole' ka saaniha hun

jo wehdat ki kasrat se pehlne wali
‘bang’ ka hissa hai
meri ruh us dhamake ki tawani
se paida hui hai
aur apne ander us 'black hole' ki
baazghast liye huwe hai
sara dukh simte huwe hai

kabhi kabhi
main aansu-on se ter
apni neend se bedaar ho ker
un waaiqat ko dekhta hun

meri ruh - meri tawani
apne black hole ke us markaz ko
us aik nuqte ko,
apni wehdat ke waapsi ke us raste ko
dhundhne main sadion se sargardan hai

Aur main ruhon ke is rewar main
hur ruh ka hissa hun!

House and apartment

If you can afford, raise your kids in house - not in apartment. Psychologically, its more secure and provides self identity. Beside privacy, Jagah bari ho to dimag bhi khule rehte hain

na-khushi

Na-khush insaan Aadmi aakhirkaar apnon ko hi nuqsaan paunchata hai.

loud thoughts

Trust me woman hear your thoughts.