"Main ne to zindagi main kubhi tassawur bhi nahi kiya tha ke meri talaq hogi. Mera baap aik gareeb dukandar tha jiski gulberg main aik choti si parchoon ki dukan thi. Hum saat bahenain (seven sisters) thiN. Hame maaloom tha ke jahan bhi shaadi ho wahan kuch bhi ho jaaye nibah kerna pare ga. Jub gurbat itni ziyada ho to 'domestic violence' aur 'shohar ki berahravi' (infidelity) wagera jesi cheezain sab be-maani ho jaati hain.
Mere liye jab America ke lurke ka rishta aaya to Amma Abba ne kuch soche samjhe bagair biyah diya. Mera kiya tha - pehle hi zindagi kaunsi jahannam se kum thi....
Bachpun se mujhe aik khawab aata tha ke darya kinare mera aik makan hai - aur phir ghar ke peeche sabzazar (backyard) main aag lagti hai aur mere poore makan ko lapet main le leti hai. Main mushkil se jaan bachati hun. Main ne is khawab ko kubhi koi ahemiat nahi di....
Shaadi ker ke main florida aayi. Darya kinare khubsurat house tha. Phir aahista aahista shohar ki asliat zahir hona shuru hui. Aaye din maar khana, Us ka din raat drunk hona, Marital (a***) rape kerna, strip dancers ke saath uska dinon gaib ho jana - mere liye maamul ban gaya. Sab sehti rehi ke peeche amma abba aur baqi behenain pareshan hongi. Phir 2 betiyan ho gayi to unka khayal aata. Sochti chalo 'financial' aasudgi to hai...Bachhiyan achhi taalim to paa rahin hai.... Main samjh lungi ke kisi kothe pe tawaif bethi hun.
Magar us khawab ne peecha na chora.
Phir hamre peeche ke house main aik Pakistani family aa ker abad hui. Mere shohar ka unki aik lurki se chakkar chal gaya. Us pe mere shohar ne khub paise lutane shuru ker diye. Aur phir aik din usne mujhe talaq ka kagaz pakra diya.
Salam kerti hun is mulk ke nizam ko, jis ne mujhe mera haq dilwaya - aur itna kuch mila ke main aur betiyan mehfooz hain aur izzat se sufed-poshi ka bharam qaaim hai.
Socha na tha ke woh khawab sachha hoga. Shayed bohut kuch pehle se hamari qismat ki kitab main likh diya jaata hai. Woh aag aik aurat thi, jis ne darya kinare wala mera makan jala diya."
6 comments:
wow...
whose story is this?
Socho tou ager shaadi na hoti...even then life would have been not great..with "people" saying dekho larki ghar par...etc.
Society's demands pshh...if only we followed HIS.
Salaam ,
We should really appreciate the Spirit of this woman. This is the same spirit that brings out the best of human during critical crisis. Thank you very much for bringing out the story. My prayers are with the lay and her children.
Regards,
Irfan Khan
Life kisi negative ka Posetive hay like
Kuch logon ko hona wali baat pahlay bata di jate hay
Annonymous: This is a story from one "iftar" party..
Better World: I hope She and her kids get all the best in life.
Annonymous: I agree with you....
I was already in "the west" when I decided to get married (No, I am not relating my story).
What I came across in Pakistan was this type of resistance (and for genuine reasons, as is clearly evident from this "almiyyah") that
"who knows you may have a "gori" behind there already. Unfortunately such stories are the ones that made me realize that such objections are correct.
Yes such women are the ones that make good wives but such husbands are very unfortunate, because my experience tells me he will one day get some "punishment" within this life and of course in the hereafter he is in trouble anyway. I wish the best for her daughters.
All Mighty will decide - I am sure......
Post a Comment