Gussa

Apni residency ke baad main ne yahan blog pe apni pehli job ke 2/3 'interesting' logoN ka zikar kiya hai (Rick Osman, Velona, Behroz etc.) Unhi dinoN meri mulaqat aik Indian sahab Mr. Anil se hui. Naam bhi Anil tha aur shakal bhi Anil kapoor jesi thi. Umer koi 50-55 ke aas paas hogi.

Anil sahab apni mun boli beti ko hospital se pick aur drop kerne aate the. Woh hamare hospital main clinical rotation ker rahi thi. Unki kahani unki zabani suniye:

"America aa ke jub kuch paise jama huwe to main ne aik chota sa 'steak house' restaurant kharida. Meri biwi ne mera poora saath diya. Hamara restaurant khub chalne laga. Main kafi khushal zindagi guzarne laga. Rupe paisoN ko koi kami na rahi. Meri do betiyaN thi. Mera bara shoq tha ke dono betiyon ko doctor banauN. Meri betiyan parhai main kamzor thiN is liye yahan US main admission nahi mil raha tha. Kisi ke mashware pe main ne un dono ko caribbean ke aik medical school main daakhil kerwa diya. Yun to main america main rehta tha magar 'indian values' ke muamle main bohat 'conservative' the. Aik saal ke baad jub meri aik beti ki birthday thi to hum ne unhe 'surprise' dene ka faisla kiya. Apni beti ke ghar ki aik chaabi (key) main ne 'as a precaution' apne paas rakh li thi. Jub wahan paunche to - "I was shattered to see my one daughter sleeping with a black guy (kala meri beti ke saath soye - yahi mere liye kaafi tha). I also found drugs on table. I crossed red line in my head.....Main gusse main wehshi aur junooni ho gaya. Jo haat main aaya us se beti ko peetna shuru ker diya. Police aa gai....I was thrown in jail....But the sadest part is that my daughter died after few days in hospital. I was jailed for 10 years. Making long story short my other daughter came back to USA. I, my wife and my other daughter went through extensive psychotherapy. Jo nuqsan hona tha woh to ho gaya magar main ne faisla kiya jub tuk mere paas daulat hai - har saal aik indian larki jo khud doctor banna chahe ko doctor banuN ga - shayed meri mari hui beti mujeh muaf ker sake."

Is kahani ke kai pehlu hain - zabardasti apni marzi aulad pe thopna, caribbean medical schools itself (?), reacting to teenagers mistake, racism toward blacks........

Gussa bari bhyanak shey hai. Jitni kahaniyaN likho kum hai.