Chandu ki Cycle

(Udan was a one low budget Indian art movie, said to be based on a true story of Bollywood fame Anurag Kashyap, with theme of an abusive father and on child abuse at home. Movie didn't do well at box office but ran away with many awards and was screened at 2010 Cannes Film Festival. There was a poem in the movie which floated around for a while, and now 'Chandu ki cycle' is a well known slang in India).


chandu ki cycle bilkul chandu jaisi thi, 
chalti thi to chandu jaise chun chun karti rahti thi,

handle uska chandu ke hatho jaisa hi halka tha,
paidal uske chandu ke pairo jaise hi patle the
seat uski chandu ke pichwade jaisi chawdi thi, 
carrier uska chandu ke carrier jaisa hi chhota tha,

par chandu ki dost vahi thi, vahi uske saath rahti thi,
chandu ke bhari vazan ko bahut hi asani se sahati thi ,
lekin aisa din aaya jab cycle uski toot gai,
aata dekh saand aage se - chandu se vo chhoot gai ,

theek nahi kar paya jab monti mechanic bhi usko,
chandu ke daddy ne use bech diya kabaadi ko,
chandu sab kuchh bhool kitabo mein doob gya aise ,
jaise kisi purani khwaish ko sachcha karna tha use,

phir jab chandu bada hua, to apani first kamai se nai cycle lekar aaya,
apni nai mili chaturai se ,
lekin....nai cycle bhi bilkul chandu jaisi thi ,
kitini bhi koshish kar lo chun chun karti rahti thi,

seat uski chandu ke pichwade jaisi chawdi thi, 
carrier uska chandu ke carrier jaisa hi chhota tha.


Movie link: http://youtu.be/6Tc7m8RZHcY