Tuesday, December 10, 2013

Nelson Mandela - 2

Ye mid 1990s ki baat hai, jab Nelson Mandela South Africa ke President bane! 
Koi reporter unka Interview ker raha tha. 

Reporter: "Kiya aap ko itne baras jail main reh ker tanhai se ghabra ker kabhi kisi aurat ki qurbat ki zaroorat mehsoos hui?"

NM: "Aik dafa jail main, aik khubsurat Indian larki mera interview kerne aai thi - mera us se qurbat haasil kerne ka ji chaha tha"

Reporter (Kuredte huwe): "Aap ne kuch kiya?"

NM (Unke lehje main 27 baras ki riyazat kaatne wale shaks ka sufiana sukoon tha): "Nahi! aesa kuch nahi huwa magar main ne apne us khayal ko jhatkne nahi diya"!

Reporter: "Ye to bari ajeeb si baat hai ke aap us khayal se lage rahe. Aap kiya soch rahe the?"

NM: "Main soch raha tha - aakhir aesi kiya baat hui ke mere dil main is qadar darauwna khayal aaya"

Reporter: "Phir?"

NM: "Phir - mujeh mere hi sawal se mera jawab mil gaya - ke - jis lamhe insaan ki hissiyat pe uski jibli khawishain haawi hona shuru ho jain, wahin se uske dar ka safar shuru ho jaata hai!"



No comments: