On Quran

جسٹس امیر علی کی کتابوں میں اسپراٹ آف اسلام بہت مشہور ہے-وه پہلی بار 1891 میں لندن سے شائع هوئی- مصنف نے اس کتاب میں صفحہ 395 پر پروفیسر جانسن کا ایک اقتباس نقل کیا ہے، یہ اقتباس قرآن کے باره میں ہے- پروفیسر جانسن لکهتے ہیں:

قرآن اگر شاعری نہیں ہے، اور یہ کہنا مشکل ہے کہ وه شاعری ہے یا نہیں ہے، تب بهی وه شاعری سے زیاده ہے- وه تاریخ نہیں ہے اور نہ وه سوانح عمری ہے- وه انجیل کے پہاڑی کے وعظ کی طرح مجموعہ امثال نہیں ہے- وه مابعد الطیعاتی مکالمہ نہیں ہے جیسا کہ بدها کے سوتر میں پایا جاتا ہے- وه موعظت بهی نہیں ہے جیسا کہ افلاطون کے یہاں عاقل اور نادان کی مجلسوں میں پایا جاتا ہے- وه ایک پیغمبر کی پکار ہے- وه آخری حد تک سامی اور عربی ہے، اس کے باوجود اس میں ایسی معنویت ہے جو انتہائی آفاقی ہے اور وه اتنا مطابق وقت ہے کہ ہر زمانہ کی آوازیں اس کو ماننے پر مجبور ہیں، خواه وه اس کو چاہیں یا نہ چاہیں- اس کی آواز کی بازگشت محلوں اور صحراوں میں، شہروں اور بادشاہتوں میں سنائی دیتی ہے- پہلے وه اپنے منتخب دلوں میں عالمی فتح کی آگ سلگاتا ہے- اس کے بعد وه ایک ایسی تعمیری طاقت بن جاتا ہے جیسے کہ یونان اور ایشیا کی تمام تخلیقی روشنی مسیحی یورپ کی گہری تاریکیوں میں داخل هو جائے، اس وقت جب کہ مسیحیت صرف رات کی ملکہ کی حیثیت رکهتی تهی-