Tuesday, October 16, 2012

Ali Karim, Drugs, Sex aur Namaz!

Ali Karim se meri pehli mulaqat uski khatna pe hui!  - Ye baat sach bhi thi aur hum dono ka mazaq bhi.

Meri umar 7 baras ki thi jab Amma mujhe Ali Karim ki khatna pe le ker gain! Ali Karim ki Amma meri walida ki bachpan ki saheli thi. Magar unke aur hamare gharelu halat main zameen aasman ka faraq tha!

Ali Karim ke walid aik mazdoor insaan the jo gadha gaari pe dukanoN se khali borion ki len den ka kaam kerte the. Ghar main gurbat ka raaj the. Ali Karim aathween (8th class) tak ba-mushkil school gaya aur phir baap ke saath kaam main juth gaya. 

Saath saath awaragardi, sharab aur charas ki aadat bhi par gai. 

Ajeeb dosti thi hamari! Alag alag duniya thi hamari - magar jab milte to yun gap lagti jese sab se ghera yaarana ho!

Main medical school main tha ke khabar mili Ali Karim Turkey chala gaya hai. Wahan se Germany pauncha aur ghumte ghumate America paunch gaya. YahaN aa ker bhi odd jobs kerta raha. Kuch paise ghar bhej deta, baqi juwe, sharab aur 'weed' main ura deta!  

2 saal pehle woh achhi job ke chakkar main mere shahr aa gaya to uski aik nai sifat mujh pe aashkara hui.....Uske paas aik se aik khubsurat larkioN ki line lagi rehti...gori, kaali, spanish, desi....you name it!

Aik din main ne us se poocha: "How many women you have slept so far?"
Usne jawab diya: "pata nahi, Shayed 300!"

Main us se aksar kehte: "Saale! na to teri shakal-o-surat hai, na to tujhe angrezi dhang se bolna aati hai, na tu shave kerta hai, na kapre dhang ke pehnta hai  - sharab tu peeta hai, 'weed' tu peeta hai - paise to tu saare juwe main ura deta hai ---- phir itni larkian kese?" 

Aur ye sach tha - main ne larkioN ko Ali Karim ki minnat kerte dekha hai  - to sleep with him!!

Woh  mujhe batata; "Bhai! aap bhi 'weed' aur 'ecstasy' pi pila ke sex karo phir jadoo dekho". Uske baad woh zor se hasta aur mujeh sher sunata

Aurat maange na taj-o-takht
Aurat maange L**a^ sakht

Aik din mujeh Ali Karim ka phone aaya ke "Bhai! I need your help". Ali Karim ko police ne traffic violation pe roka to gaari se 'drugs' baramad hui. ...He was in jail....I went to bond him and get him out...

Jab jail se wapas aaya to zindagi main pehli baar main ne use samjhane ki koshish ki. Ab woh addict ho chuka tha! ab us ka larki ke bagair to kaam chal jata tha magar drugs ke bagair uski halat  gair ho jaati thi!

I pushed him to get Rehab! I get him admitted to a good rehab......... Wahan us ki Allah jaane kiya kaya palti ke aik din mujh se kehne laga: "Bhai! namaz ki kitab la do"!..Main to namazi aadmi tha nahi, na mujhe namaz aati hai ,,magar aik desi store se namaz ki kitab khreed ke use de di.....

2 din pehle main uske paas gaya to usne mera haat pakar ke kaha: "Bhai! mera aik kaam ker do"

Main ne poocha: "Kiya?"

Kehne laga: "Kisi aesi larki se shadi kara do jo mere andar ke janwar se ziyada mere andar ke insaan ko apna le. ......Bhai! ab aik Allah aur Aik aurat ka hone ko ji chahta hai"


^ Urdu slang for mens' genital

2 comments:

Beyond said...

I think age has got to do something with it.afterall,how long can you see a person sustain this kind of life style.i remember reading about a Hollywood celebrity who said that one never really sees a 55 year old junkie.human body can't handle the abuse for years.

mystic said...

You may be right..but I have seen enough well to do bastards in very old ages!!!