(Another story on same line as Aulad ka gum, earlier)
Jub hum aathwin (8th) main paunche to hamare school ke barabar bazar se zara pehle, aik dehli wale hazrat ne, bun-kabab, hulwa puri, aalu chole, gol-gappe aur masala-chaat ki dukan kholi. Bare aehtmam se woh dehlwi dhang ki topi pahen ke, subha fajar ke baad dukan ke aage - donga, tawa, matka aur karhaii laga ke karobar sajate. Amma hume jo chawani athanni deti thin hum woh jama kerte aur wahan se bun-kabab khate. Kabhi amma ko bohut piyar aata to ikhatte hi poora roopiya mil jaata aur hamari eid ho jaati.
Us dukan pe aksar aik mele kuchele sa shahab beth ke hum bachhon ko dekha kerte. Pagal se lagte the. Pehle to hum durte the magar phir jub pata laga ke be-zarar se hain aur barson se yahin peechware main rihaish hai to hamara dur jaata raha. Aik din na jaane un ke dil main kiya aayii ke woh khub batain kerne lage. Kehne lage:
"Tum sub sochte ho ke hum aap logon ko kiun dekha kerte hain. Asal main humara bhi aap log jesa aik beta tha. Khubsurat, zaheen, adab kerne wala. Hamari jaan tha. Isi sarak pe woh waqiah huwa. Accident main mar jaata to dil ko tasalli de lete ka allah mian ke paas hai. Rub jane is lamhe kahan hoga aur kis haal main hoga, ye khayal na jeene deta hai aur na marne deta hai. Us ki umer 6 baras ho gi. Ameer naam tha. Hum ameeru ameeru kehte the. Aik sham woh mohalle se aik gaali sikh ker aaya aur ghar main woh lafz zaban se nikala. Us ko bohut daanta aur ghar ke aik kamre main bhej diya. Humara dil kharab ho gaya. Hum yahin is jaghe, jub koi dukan nahi thi, aake khare ho gaye. Sham ho chali thi. Us sham bijli bhi gaib thi. Chen nahi aaya. Wapas makan pe gaye aur kaha: 'chalo ammeru, hamare saath masjeed tak chalo'. Bus kuch aese huwa ke hum samjhe woh hamare saath hai aur hum baqi logon ke saath sarak paar ker gaye. Woh peeche reh gaya. Jab nazar nahi aaya to hum mure, bus itna dekha ke aik gari ja rahi hai aur us se us ka latkta kurta nazar aaya. Barda-farosh mere bete ko utha le gaye (70 ki dihaai ke aik hisse main Karachi main bachhe uthane ka silsila aam tha). Main deewanawar bhaga, cheekha - Ameeru, Ameeru, Ameeru. Koi aur gari nahi ruki ke koi na samjha ke kia huwa. Wahan na taxi na rickshaw tha....bohut dhundha, police ko report ki, jo soch sakte ho kiya magar ameeru na mila....".....rote rote unki awaz rundh gai......"tub se bus yahan sarak kinare rehte hain ke shayed kabhi ameeru wapas aa jaaye."
Allah jaane kisi baap ke dil ka chen, kisi ma ki aankhon ki thandak - Ameeru is lamhe kahan hoga aur kis haal main hoga !
Jub hum aathwin (8th) main paunche to hamare school ke barabar bazar se zara pehle, aik dehli wale hazrat ne, bun-kabab, hulwa puri, aalu chole, gol-gappe aur masala-chaat ki dukan kholi. Bare aehtmam se woh dehlwi dhang ki topi pahen ke, subha fajar ke baad dukan ke aage - donga, tawa, matka aur karhaii laga ke karobar sajate. Amma hume jo chawani athanni deti thin hum woh jama kerte aur wahan se bun-kabab khate. Kabhi amma ko bohut piyar aata to ikhatte hi poora roopiya mil jaata aur hamari eid ho jaati.
Us dukan pe aksar aik mele kuchele sa shahab beth ke hum bachhon ko dekha kerte. Pagal se lagte the. Pehle to hum durte the magar phir jub pata laga ke be-zarar se hain aur barson se yahin peechware main rihaish hai to hamara dur jaata raha. Aik din na jaane un ke dil main kiya aayii ke woh khub batain kerne lage. Kehne lage:
"Tum sub sochte ho ke hum aap logon ko kiun dekha kerte hain. Asal main humara bhi aap log jesa aik beta tha. Khubsurat, zaheen, adab kerne wala. Hamari jaan tha. Isi sarak pe woh waqiah huwa. Accident main mar jaata to dil ko tasalli de lete ka allah mian ke paas hai. Rub jane is lamhe kahan hoga aur kis haal main hoga, ye khayal na jeene deta hai aur na marne deta hai. Us ki umer 6 baras ho gi. Ameer naam tha. Hum ameeru ameeru kehte the. Aik sham woh mohalle se aik gaali sikh ker aaya aur ghar main woh lafz zaban se nikala. Us ko bohut daanta aur ghar ke aik kamre main bhej diya. Humara dil kharab ho gaya. Hum yahin is jaghe, jub koi dukan nahi thi, aake khare ho gaye. Sham ho chali thi. Us sham bijli bhi gaib thi. Chen nahi aaya. Wapas makan pe gaye aur kaha: 'chalo ammeru, hamare saath masjeed tak chalo'. Bus kuch aese huwa ke hum samjhe woh hamare saath hai aur hum baqi logon ke saath sarak paar ker gaye. Woh peeche reh gaya. Jab nazar nahi aaya to hum mure, bus itna dekha ke aik gari ja rahi hai aur us se us ka latkta kurta nazar aaya. Barda-farosh mere bete ko utha le gaye (70 ki dihaai ke aik hisse main Karachi main bachhe uthane ka silsila aam tha). Main deewanawar bhaga, cheekha - Ameeru, Ameeru, Ameeru. Koi aur gari nahi ruki ke koi na samjha ke kia huwa. Wahan na taxi na rickshaw tha....bohut dhundha, police ko report ki, jo soch sakte ho kiya magar ameeru na mila....".....rote rote unki awaz rundh gai......"tub se bus yahan sarak kinare rehte hain ke shayed kabhi ameeru wapas aa jaaye."
Allah jaane kisi baap ke dil ka chen, kisi ma ki aankhon ki thandak - Ameeru is lamhe kahan hoga aur kis haal main hoga !
7 comments:
aansoun ki leh nahi roqti..aisa kya hota hai :(...khuda kisi ko kissi aur kay ghum ki khabar nahi hone deta aur kissi ko itna..sigh..baychaini suchi main subsay bara imtehan.
Bus allah hur kisi ko humne hifz o aman main rukhe.
aameen
Aap aulad ka gum likhte ho, kubhi un bachhon ke dil ka haal bhi liko jin ke waaldain kho jaate hain.
iss tarah kai waaqiat aaj kal roz kai maamulaat ban gaye hain,waqai Allah ham sab ko apne hifz o aman main rakhe!
Mystic, can you please email me? I have a favour to ask.
M.A. Zia - I am not sure where are we going?. Per Faiz: ..Ye woh saher to nahi
Suroor I will...
Annonymus: I try to collect stories and tales I remember from life and if I recall any kid's story of lossing his father/mother - I will write. If you can write and share also, would be great.
Post a Comment