Shumaila aik aesi larki thi - jo meri zindagi main sirf aik raat ke liye aayi thi magar saari zindagi ke liye ghere naqoosh chor gai. Shumaila Chicago main aik 'Pakistani escort' thi.
Meri teesweeN salgirah (30th Birthday) pe mere doston ne mujeh surprise dene ke liye shumaila ko book kiya tha.
Masood (here) ki dosti khatam hone ka dukh bohat taaza tha. Main ne apne birthday pe poora din hospital main kaam kiya aur sham ghar aa ke so gaya. Abhi Amma ko Karachi phone ker ke receiver cradle pe rakha hi tha ke mere apartment ke darwaze pe dastakht hui. Main ne darwaza khola to Shumaila thi. Main samjha koi galati hui hai, magar us ne mera naam le ker andar aane ko kaha. Woh andar aa gai aur aram se sofe pe beth gai. Kehne lagi: 'Main aap ki salgirah ka tohfa hun'. Jab sari haqiqat aashkar hui - to main ne shumaila se kaha; "mujeh afsos hai ke aik Pakistani larki America main ye kaam ker rahi hai".
Shumaila ki majboorioN ki aik lambi list thi. Chicago aa ker mian ne ghar se nikal diya tha. Peeche Pakistan main 4 bahenaiN thi. Boorhe Ma Baap the. Sach poocho to mujeh Shumaila ki story main koi interest nahi tha. Un dino har Pakistani apne saath aik kahani liye ghum raha tha. Main ne Shumaila se kaha: "Dekho larki! main nahi chahta ke, koi larki apni majboorioN ke baais mere saath hum-bistar ho. Tum jab tak chaho yahan ruko - aur jab chaho ja sakti ho".
Meri mez pe Faiz sahab ki nuskha-haaye-wafa pari thi. Kehni lagi: 'Aap Faiz ko perhte hain?' Ye woh waqt tha jab mujeh Faiz sahab ka aadha kalam az-bar tha. Main ne Chai banate huwe use Faiz Sahab ki 3/4 nazmain sunai to woh khil si gai. Kamre ka mahol thora 'halka' ho gaya. Hum batain kerne lage
Shumaila Panjab University se Urdu literature main masters thi! Urdu shayeri pe us ki khub dastars thi. Kehne lagi: 'Bohat dinoN baad shayeri ka maza aaya hai. Aur sunain na?" Main ne kuch aur nazmain sunai. Magar jab main ne use Nasir Kazmi ki nazam: "Woh sahiloN pe gaane wale kiya huwe" sunai - to Shumaila bilak bilak ke rone lagi. Kehne lagi: "Pakistan bohat yaad aa raha hai".....
Woh poore chaand ki raat thi. Kehne lagi: "aap please light off ker dain". Chicago ke chand jesi chandni shayed duniya main kahiN nahi hoti. Poora kamra chand ki chandni se bhar gaya. Hum dono chai peete rahe aur subah 5 baje tak batain kerte rahe.
Phir usne kaha: 'Ab main jaun gi, werna meri fajar ki namaz nikal jaaye gi". Main ne hairat se uski taraf dekha to woh kuch nahi boli bulke apni bari si bag se jaa'namaz nikali aur kehne lagi: "Layi to apne liye thi magar aap meri taraf se rakh lain". (Allah jaane, main kahan se use namazi laga)
Shumaila khud to chali gai mgar main aaj bhi us ki jaa'namaz saath liye liye phirta hun. Kehte hain pehla sajda sab se ziyada qimti hota hai. Agar zindagi main kabhi namaz parhi aur apne rab ke huzur hazir huwa to mera pehla sajda shumaila ke naam hoga!
Meri teesweeN salgirah (30th Birthday) pe mere doston ne mujeh surprise dene ke liye shumaila ko book kiya tha.
Masood (here) ki dosti khatam hone ka dukh bohat taaza tha. Main ne apne birthday pe poora din hospital main kaam kiya aur sham ghar aa ke so gaya. Abhi Amma ko Karachi phone ker ke receiver cradle pe rakha hi tha ke mere apartment ke darwaze pe dastakht hui. Main ne darwaza khola to Shumaila thi. Main samjha koi galati hui hai, magar us ne mera naam le ker andar aane ko kaha. Woh andar aa gai aur aram se sofe pe beth gai. Kehne lagi: 'Main aap ki salgirah ka tohfa hun'. Jab sari haqiqat aashkar hui - to main ne shumaila se kaha; "mujeh afsos hai ke aik Pakistani larki America main ye kaam ker rahi hai".
Shumaila ki majboorioN ki aik lambi list thi. Chicago aa ker mian ne ghar se nikal diya tha. Peeche Pakistan main 4 bahenaiN thi. Boorhe Ma Baap the. Sach poocho to mujeh Shumaila ki story main koi interest nahi tha. Un dino har Pakistani apne saath aik kahani liye ghum raha tha. Main ne Shumaila se kaha: "Dekho larki! main nahi chahta ke, koi larki apni majboorioN ke baais mere saath hum-bistar ho. Tum jab tak chaho yahan ruko - aur jab chaho ja sakti ho".
Meri mez pe Faiz sahab ki nuskha-haaye-wafa pari thi. Kehni lagi: 'Aap Faiz ko perhte hain?' Ye woh waqt tha jab mujeh Faiz sahab ka aadha kalam az-bar tha. Main ne Chai banate huwe use Faiz Sahab ki 3/4 nazmain sunai to woh khil si gai. Kamre ka mahol thora 'halka' ho gaya. Hum batain kerne lage
Shumaila Panjab University se Urdu literature main masters thi! Urdu shayeri pe us ki khub dastars thi. Kehne lagi: 'Bohat dinoN baad shayeri ka maza aaya hai. Aur sunain na?" Main ne kuch aur nazmain sunai. Magar jab main ne use Nasir Kazmi ki nazam: "Woh sahiloN pe gaane wale kiya huwe" sunai - to Shumaila bilak bilak ke rone lagi. Kehne lagi: "Pakistan bohat yaad aa raha hai".....
Woh poore chaand ki raat thi. Kehne lagi: "aap please light off ker dain". Chicago ke chand jesi chandni shayed duniya main kahiN nahi hoti. Poora kamra chand ki chandni se bhar gaya. Hum dono chai peete rahe aur subah 5 baje tak batain kerte rahe.
Phir usne kaha: 'Ab main jaun gi, werna meri fajar ki namaz nikal jaaye gi". Main ne hairat se uski taraf dekha to woh kuch nahi boli bulke apni bari si bag se jaa'namaz nikali aur kehne lagi: "Layi to apne liye thi magar aap meri taraf se rakh lain". (Allah jaane, main kahan se use namazi laga)
Shumaila khud to chali gai mgar main aaj bhi us ki jaa'namaz saath liye liye phirta hun. Kehte hain pehla sajda sab se ziyada qimti hota hai. Agar zindagi main kabhi namaz parhi aur apne rab ke huzur hazir huwa to mera pehla sajda shumaila ke naam hoga!
2 comments:
Azeezam, itni kahaniaN paRh k heran hota hoon kia waqei sach hay? Shaed her "escort" ky pichay dard bhari dastan hoti hay. Aakhir koie shaowq ki wajeh say to yeh kaam nahin kerta
Mujhay yad aaya. when NoorjahaN visited India, and Lata went to see her she was on Jae Nnamaz and Lata waited for her to finish. Anyway it is obvious she left with you a lot more than just jae namaz. I have my own stories of janamaz and Qur'an
Uncle: We all have thousands of stories around us. I just keep log as I recall them. And write as I get time.
Indeed, she left deep marks on me
Post a Comment