Hamari dadi ki aik baat pehle bhi is blog pe likhi thi, jo main to bhool gaya tha magar meri first cousin ne yaad dila di thi ke: " jis ghar main roz khana pakta hai - wahan khud ba khud - barkatain nazil hoti haiN, aur pyaar khulus ka raj ho jata hai. Jis ghar main chulha thanda par jaaye wahan nafrataiN aur tanhaiyaN dera daal leti hain."
Ab yaad aata hai ke, aik din dadi ne thande chulhe pe khali degchi rakh di.
Main khee khee ker ke hasne laga aur dadi se kaha: 'Dadi ye kiya ker rahi ho?'
Dadi ne jawab diya: "Chulhe ko kabhi akela nahi choRte. Thanda bhi paRa ho to bartan rakh dena chahiye. Yun barkataiN qaeem rehti hain".
Ye woh umar thi hum baRe mantaqi aur giyani ban ke phira kerte the. Main ne dadi se kaha: "Dadi agar khali bartan se chulhe jal paRte to koi mehnat mazdoori na kerta".
Dadi ne jawab diya: "Dafa ker teri ye kitabi baatain. Hume hamare tareeqe se jeene de. Chulha apna rizq khud maangta hai. Us pe bartan par jaaye to chulhe ki aanch ziyada der thandi nahi reh sakti".
Main ne maathe pe haat maara aur bawarchi khane se bahir nikal gaya.
Magar umar ke is hisse main aake sochta hun - Hamare buzurg bhi kese the! Zindagi ki mushkil se mushkil gutthi saada se aik jumle se suljha dete the. Apne purkhoN se jo suna, us pe pakka yaqeen kiya aur zindagi ke pul-siraat se sab ko sambhal ke guzr gaye....
- aur aik hum hain - nafsiyaat, umraaniyat aur riyaziyaat ki beesyoN kitabain parh ke bhi samjh nahi paate ke ye sab kuch kiun aur kese hota hai.
Yaqeen ki woh kesi hiddat ya vibration thi - jo ghar ke chulhe ko to kiya - rishtoN ko bhi garmaaye rakhti thi - aur har taraf muskurahatoN ka raj rehta tha.
Ab yaad aata hai ke, aik din dadi ne thande chulhe pe khali degchi rakh di.
Main khee khee ker ke hasne laga aur dadi se kaha: 'Dadi ye kiya ker rahi ho?'
Dadi ne jawab diya: "Chulhe ko kabhi akela nahi choRte. Thanda bhi paRa ho to bartan rakh dena chahiye. Yun barkataiN qaeem rehti hain".
Ye woh umar thi hum baRe mantaqi aur giyani ban ke phira kerte the. Main ne dadi se kaha: "Dadi agar khali bartan se chulhe jal paRte to koi mehnat mazdoori na kerta".
Dadi ne jawab diya: "Dafa ker teri ye kitabi baatain. Hume hamare tareeqe se jeene de. Chulha apna rizq khud maangta hai. Us pe bartan par jaaye to chulhe ki aanch ziyada der thandi nahi reh sakti".
Main ne maathe pe haat maara aur bawarchi khane se bahir nikal gaya.
Magar umar ke is hisse main aake sochta hun - Hamare buzurg bhi kese the! Zindagi ki mushkil se mushkil gutthi saada se aik jumle se suljha dete the. Apne purkhoN se jo suna, us pe pakka yaqeen kiya aur zindagi ke pul-siraat se sab ko sambhal ke guzr gaye....
- aur aik hum hain - nafsiyaat, umraaniyat aur riyaziyaat ki beesyoN kitabain parh ke bhi samjh nahi paate ke ye sab kuch kiun aur kese hota hai.
Yaqeen ki woh kesi hiddat ya vibration thi - jo ghar ke chulhe ko to kiya - rishtoN ko bhi garmaaye rakhti thi - aur har taraf muskurahatoN ka raj rehta tha.
1 comment:
This is what the computer educated new generation will never learn and cannot learn
Post a Comment