Tuesday, May 15, 2018

Zikr aur Sabr

"Sir! kiya zikr se Allah ka deedar ho jaata hai"

"Mere bachhe! Deedar na bhi ho to zikr se kai aur daulatain haat aa jaati hain. Dukh main marham parh jaata hai, sukh main itminaan ki gheraii paatal ko chu leti hai - aur sab se barh ker sabr haat aa jaata hai. Anxiety kam ho jaati hai. Tabiyat main TehraO aa jaata hai. "Red signal" pe ya traffic main phans gaye, mobile ki jagah zikr shuru ker do. "Bank" ki line lambi ho gayi, zikr chalu ker do".

"Sach Sir! ye sab asani se ho jaata hai?

"Boht asani se - bas uska koi naam jo achha lage chun lo. Aur 3 mahine aazma ke dekho. Tawaf ki ruh badal jaati hai. Qibla khud seedha ho jaata hai. Chaal halki parh jaati hai. 

'Driving tickets' bhi nahi milti!"

1 comment:

bsc said...

Äla biZikrillahi tatmainnul quloob"
Sura #13, Aya #28