Jab insaan jawan hota hai to baRe baRe irade baandh leta hai. Samjhta hai woh saari duniya badal de ga.....Phir halat, waqt aur zarooriat ke saamne jab us ke irade tooTte hain - to aik jhatka lagta hai.
Aur aesa sabhi ke saath hota hai!
Jab main USA ke liye rawana huwa to irada yahi tha - phir Pakistan wapas jaun ga. Patriotism aur nationalism rag rag main doRta tha. Jab residency aur fellowship ke doran 4/5 baar Pakistan ka chakkar lagaya to aqal thikaane aa gai aur aehsaas huwa ke - USA main reh ker shayed logon ke ziyada kaam aa sakta hun. Kai dost Pakistan gaye aur halat/muahshre ki resha-dawanioN main pees ker phir USA aa gaye. Kai rat-jage huwe. Kai doston se bahes hui. Aur phir wahi huwa jo hota hai. Green card aur citizenship ke liye USA main ruk gaye. Khayalat badalte gaye. Patriotism aur nationalism ki chadar khisak gai!
Insaan kamina hai - apne zawiye se saari definitions badal leta hai.
Ye lambi tamheed baandhe ka maqsad ye tha ke - aksar raaton ko aankh khul jaati thi. Apne aap se sawal poochta - ke agar kisi ke kaam na aaye to zindagi kiya hai? - "sense of contribution" nahi to huwe bhi to kiya na huwe bhi to kiya - aadmi kafir tha magar kabhi masjid, dargah, masjid ya kisi church chala gaya to yahi dua maangta ke - "please give me back my sense of contribution".
Jab 2009 main aakhri baar Pakistan gaya to ye aehsaas bohat qawi thi - Dil kisi jawab pe raazi na hota tha - Aik din kahin se aate Karachi ke gandhi garden ke paas Taxi kharab ho gai. Wahin utar gaya to saamne Jumman Shah Bukhari ki dargah pe nazar pari. Be-khayali main andar chala gaya. Hamesah ki tarah wahan bhi wahi dua maangi. Bahir nikla to kisi ne kaha: "Babu ye taaweez khareed lo" . Main ne poocha: "kis cheez ka taweez hai". Bechne wale ne kaha: "sukoon ka"! Jaan chuRane ke liye taweez khareed liya..Taweez kiya tha, kisi Qurani ayat ko puRi main baadh diya tha. Taweez jeb main rakh liya. Ghar aa ke taweez khola to Surah Ibrahim ki Ayat # 23 aur 24 thi. Aik dum se jhatka laga. Aehsaas huwa mere sawal ka itna asan sa jawab tha, barson lag gaye!
- Insaan sachhaii aur nek-niyyati se zindagi guzarta rahe to khud hi jaRain mazboot aur shaakhain aasman tak jaati hain - aur zindagi ka har lamha 'contribution' ka phal deta rehta hai - Sachaii aur nek-niyyati se guzari zindagi se baRh ker koi 'role-model' nahi, aur koi 'contribution' nahi
Us ke baad 'sense of contribution' dhundhe ke liye Pakistan ke chakkar lagane ki zaroorat nahi rahi!
Aur aesa sabhi ke saath hota hai!
Jab main USA ke liye rawana huwa to irada yahi tha - phir Pakistan wapas jaun ga. Patriotism aur nationalism rag rag main doRta tha. Jab residency aur fellowship ke doran 4/5 baar Pakistan ka chakkar lagaya to aqal thikaane aa gai aur aehsaas huwa ke - USA main reh ker shayed logon ke ziyada kaam aa sakta hun. Kai dost Pakistan gaye aur halat/muahshre ki resha-dawanioN main pees ker phir USA aa gaye. Kai rat-jage huwe. Kai doston se bahes hui. Aur phir wahi huwa jo hota hai. Green card aur citizenship ke liye USA main ruk gaye. Khayalat badalte gaye. Patriotism aur nationalism ki chadar khisak gai!
Insaan kamina hai - apne zawiye se saari definitions badal leta hai.
Ye lambi tamheed baandhe ka maqsad ye tha ke - aksar raaton ko aankh khul jaati thi. Apne aap se sawal poochta - ke agar kisi ke kaam na aaye to zindagi kiya hai? - "sense of contribution" nahi to huwe bhi to kiya na huwe bhi to kiya - aadmi kafir tha magar kabhi masjid, dargah, masjid ya kisi church chala gaya to yahi dua maangta ke - "please give me back my sense of contribution".
Jab 2009 main aakhri baar Pakistan gaya to ye aehsaas bohat qawi thi - Dil kisi jawab pe raazi na hota tha - Aik din kahin se aate Karachi ke gandhi garden ke paas Taxi kharab ho gai. Wahin utar gaya to saamne Jumman Shah Bukhari ki dargah pe nazar pari. Be-khayali main andar chala gaya. Hamesah ki tarah wahan bhi wahi dua maangi. Bahir nikla to kisi ne kaha: "Babu ye taaweez khareed lo" . Main ne poocha: "kis cheez ka taweez hai". Bechne wale ne kaha: "sukoon ka"! Jaan chuRane ke liye taweez khareed liya..Taweez kiya tha, kisi Qurani ayat ko puRi main baadh diya tha. Taweez jeb main rakh liya. Ghar aa ke taweez khola to Surah Ibrahim ki Ayat # 23 aur 24 thi. Aik dum se jhatka laga. Aehsaas huwa mere sawal ka itna asan sa jawab tha, barson lag gaye!
- Insaan sachhaii aur nek-niyyati se zindagi guzarta rahe to khud hi jaRain mazboot aur shaakhain aasman tak jaati hain - aur zindagi ka har lamha 'contribution' ka phal deta rehta hai - Sachaii aur nek-niyyati se guzari zindagi se baRh ker koi 'role-model' nahi, aur koi 'contribution' nahi
Us ke baad 'sense of contribution' dhundhe ke liye Pakistan ke chakkar lagane ki zaroorat nahi rahi!
3 comments:
Sir, Ab ki baar jab irada karain Pakistan ka tou zaroor bataye ga. In Sha Allah mulaqaat hogi.
Aly, I promise. I guess you are in Karachi.
Karachi is my first love even before I knew anything about women :)
In Sha Allah,
Zindagi rahi tou zaroor mulaqaat hogi aur is diary ki zeenat banay gi :D
Post a Comment