Hamare mohalle se aik lurke Nauman ne TV per kaafi naam paida kiya aur kai TV serials main hero aata raha aur aaj bhi kaafi masroof adakar hai.
Jub main ne Pakistan chora to Nauman ki umer 17 baras ki hogi. Woh din bhar TV station ke chakkar lagaya kerta aur sham ko mohalle main awara gardi kiya kerta. Us ki harkaton se saara mohalla pareshan tha. Logon ko tang kerna, larkion ko cherna, logon ke paese cheen lena wagera us ke mashagil main shamil tha.
America aane ke 3/4 baras baad jub main pehli baar Pakistan giya to Nauman ko TV pe kaam milne laga tha aur is wajah se us ka dimag aur bhi kharab ho gaya tha. Us ki harkatain mazeed barh chuki thin. Aik din main rickshaw se utra to rickshaw driver ne kaha: "Shahab main zara hi aage rehta hun. Mujhe ilm hai aap america se aaye hain. Aap mujhe dollar main kiraya de dain". Main ne wallet se 3 dollar nikale. Abhi 3 dollar aadhe mere haat main aur aadhe rikshaw driver ke haat main the ke Nauman ne aake beech se aik dollar khench liya. Main ne dollar uske haat se le ker driver ko de diye.
Main Nauman ke saath aik makan ke chabutre pe beth giya. Main ne use samjhaya: "Dekho tum aik actor bunne ja rahe ho.Tum bohut aage jao ge. Magar aik achha adakar bunne ke liye kirdar ki mazbooti aur khud apne character ki 'maturity' zaroori hai. Jab tak awargardi ki bajaye kitabain nahi paRoge, logon ka dard khud mehsoos nahi karo ge, shayed star to ban jao magar actor nahi ban sako ge".
Mujhe nahi maalum, Nauman ne meri baton ka kitna asar liya. Saalon baad peechle baras main phir Pakistan giya to Nauman badal chuka tha. Us ki adakari main aik phuktagi aa gai hai. Mujh se mila to kafi mature laga. Kafi samjhdari ki batain kerne laga tha. Chalte huwa kehne laga: "aap ne us din samjhaya na hota to kab ka commercial entertainment ki duniya main mar chuka hota. Star to kiya banta kab ka out ho chuka hota. Cut throat competition main acting ke sahare hi zinda hun".
Kabhi kabhi zindagi main chup rehna galat hota hai. You have to speak up. Ho sakta hai us din Nauman meri baat ka koi asar na leta ya mujh se jhagra hi ho jaata magar kabhi kabhi chand lafz kisi bhi insaan ki zindagi badal sakte hain.
Lafzon ki bari taqat aur hurmat hoti hai.
Jub main ne Pakistan chora to Nauman ki umer 17 baras ki hogi. Woh din bhar TV station ke chakkar lagaya kerta aur sham ko mohalle main awara gardi kiya kerta. Us ki harkaton se saara mohalla pareshan tha. Logon ko tang kerna, larkion ko cherna, logon ke paese cheen lena wagera us ke mashagil main shamil tha.
America aane ke 3/4 baras baad jub main pehli baar Pakistan giya to Nauman ko TV pe kaam milne laga tha aur is wajah se us ka dimag aur bhi kharab ho gaya tha. Us ki harkatain mazeed barh chuki thin. Aik din main rickshaw se utra to rickshaw driver ne kaha: "Shahab main zara hi aage rehta hun. Mujhe ilm hai aap america se aaye hain. Aap mujhe dollar main kiraya de dain". Main ne wallet se 3 dollar nikale. Abhi 3 dollar aadhe mere haat main aur aadhe rikshaw driver ke haat main the ke Nauman ne aake beech se aik dollar khench liya. Main ne dollar uske haat se le ker driver ko de diye.
Main Nauman ke saath aik makan ke chabutre pe beth giya. Main ne use samjhaya: "Dekho tum aik actor bunne ja rahe ho.Tum bohut aage jao ge. Magar aik achha adakar bunne ke liye kirdar ki mazbooti aur khud apne character ki 'maturity' zaroori hai. Jab tak awargardi ki bajaye kitabain nahi paRoge, logon ka dard khud mehsoos nahi karo ge, shayed star to ban jao magar actor nahi ban sako ge".
Mujhe nahi maalum, Nauman ne meri baton ka kitna asar liya. Saalon baad peechle baras main phir Pakistan giya to Nauman badal chuka tha. Us ki adakari main aik phuktagi aa gai hai. Mujh se mila to kafi mature laga. Kafi samjhdari ki batain kerne laga tha. Chalte huwa kehne laga: "aap ne us din samjhaya na hota to kab ka commercial entertainment ki duniya main mar chuka hota. Star to kiya banta kab ka out ho chuka hota. Cut throat competition main acting ke sahare hi zinda hun".
Kabhi kabhi zindagi main chup rehna galat hota hai. You have to speak up. Ho sakta hai us din Nauman meri baat ka koi asar na leta ya mujh se jhagra hi ho jaata magar kabhi kabhi chand lafz kisi bhi insaan ki zindagi badal sakte hain.
Lafzon ki bari taqat aur hurmat hoti hai.
2 comments:
As bible says, BREAKING THE CONSPIRIACY OF SILENCE
wah...kiya khubsurat baat hai
Post a Comment