Kabhi kabhi zindagi main aesa hota hai ke aap koi adhoori kahani sun ke bhool jaate hain aur barson baad khayal aata hai ke aakhir us kahani ka kiya anjaam huwa.
Jese USA main cafes aur starbucks hote hain wese hi karachi main chai khane hote hain jahan shamon ko khub mehfilain sajhti hain. Hamare mohalle se zara aage aik "khan sahab" ka chai khana 'darweshabad hotel' ke naam se tha. Wahin beth ker hum america aane ke khawab dekhte, plans banate, forms bharte, dirty latife chalte, gossips hoti aur zindagi baag-o-bahar rehti. Wahan aksar aik larka Azhar aaya kerta tha. Azhar kafi suljha huwa larka tha, use america aane ka koi shoq nahi tha. Waalid ke paas achhi daulat thi. Azhar aur us ke ghar waale 'gulshan' (karachi ka ilaqa gulshane-iqbal) main banne wale naye naye bunglon main move ho gaye the is liye us ka aana jaana kafi kum ho gaya tha. Naye saal ki pehli shaam thi jub us ne hume apni ye adhoori kahani sunai. Mujhe nahi maaloom phir kiya huwa, is liye khaatir jama rukiye ke kahani ke ikhtatam pe mujhe na kosiye ga ke yunhi waqt barbad kiya. Magar us adhoori kahani ke baare main sochta hun ke... kisi din aap ko ye pata chale ke aap ka koi bhai ya bahen (sibling) hai jis ki aap ko khabar hi na thi, to aap ka kiya jazbati aur nafsiyati 'reaction' hoga. Azhar ne jis din hume ye kahani sunai us ke saath aik 11/12 baras ka larka bhi tha, jise us ne 'chai biscut' le kar dur bitha diya. Jub hum ne poocha, ye kaun hai to Azhar ne bataya....
"Mere abbu ki ye dusri shadi hai aur meri ammi ki bhi. Meri asal walida mere chote bhai zafar ki paidaish pe hi faut ho gain thi. Tub meri umer 17 baras ki thi. Hum dono ki paidaish main itna waqfa kiun raha ye mere liye bhi raaz hai. Ammi ki wafat ke baad zafar ko paalne ke liye abbu ne dusri shadi ker li. Mere liye nai soteli ma ko qabool kerna koi mushkil kaam na tha. Main college aur apni cricket main mast tha. Lekin khuda jhut na bulwaye, nai ma ne kabhi ye mehsoos na hone diya ke woh soteli ma hai. Us ne zafar ko sagi ma se barh ker paala hai. Ammi ki peechli zindagi ke baare main kuch maalum nahi. Bus suna hai un ka shoher sharabi tha. Marta pitta tha. Is liye talaq ho gai. Hum na to kabhi un ke ghar waalon se mile na kabhi ammi ne kuch bataya. Agar kabhi kisi ne poocha bhi to ammi taal gain. Hum ne to ye bhi suna tha ke abbu ammi ko bhaga kar laye the. Sach jhoot allah jaane.
Ammi aur abbu jitna aik dusre se piyar kerte hain utna hi jhagrte bhi hain. Abbu ke paas paise ki kami nahi is liye aksar hafte do hafte ke liye unka ghar chor jana hamare liye koi nai baat nahi. Abhi aik hafta pehle phir un dono ka jhagra huwa aur abbu bangkok chale gaye. Phir phone pe unki baat hui aur new year ke liye ammi aur zafar ko bhi bula liya. 2 din pehle chowkidar bhi chutti le kar gaon chala gaya.
Aaj saal ka pehla din hai. Subh 6 baje ke qareeb ghar main kisi khat khat se meri aankh khuli. Main ne uth ke khirki se bahir sarak pe dekha to police ki mobile khari thi aur naye banne waale bunglon main kaam kerte mazduron se bhatta le rahi thi. Mujhe phir ghar ke ander se ajeeb awazain aain to main pehli manzil pe ammi abbu ke kamre ki taraf giya to ye larka bag thame ander khara tha. Main samjha koi chor uchakka ghus aaya hai. Main ne daraya ke police bahir hi khari hai abhi unke hawale kerta hun. Is main bala ka confidence hai. Kehne laga tum mujhe yahan se nahi nikal sakte. Mujhe gussa aa gaya. Chor ulta kotwal ko daante wali masal ho gai. Main ise ghaseetta huwa darwaze tak laya. Darwaza khola to bahir lurke tape ball se cricket shuru ker rahe the. Main ne poocha, bolo ya to police ko de dun ya in larkon se bhurta bunwaun. Ye girgirane laga. Kehne laga tum meri baat aik baar to suno. Main ne kaha bolo... kehne laga...tumhari ammi meri bhi ammi hain.....main apne abbu ke saath rehta hun...ammi ne sakhti se mana kiya tha ke kabhi un se na milun. Woh chup chup ker mujh se khud milti thin. Unhon ne kaha tha ke tum agar bilkul majboor ho jao bus tub is ghar aana. Kul abbu ne sharab ke nashe main mujhe bohut mara aur ghar se nikal diya.... main ne bohut phone kiye magar ammi ne phone nahi uthaya (Ye un dinon ki baat hai jub mobile phone ya caller IDs nahi hoti thin). Mere paas koi chara na tha..main raat bhar dhundhe dhundhte chal chal ke yahan poncha. Mujhe laga ghar pe koi nahi is liye deewar phalang ke ander aa gaya. Ammi ke aane tuk yahan rehne do.
Azhar ne poocha ..tum sub batao main kiya kerta....main ne muskura ker kaha..ma baap alag alag hain phir bhi shakal to milti hai!, Kisi ne kaha ab bangkok se bhi aik bhai aaye ga !! Baat aai gai ho gai. Phir pata nahi aage kiya huwa.
Azhar ke abbu ne kese react kiya? Larka wahin raha ke phir bhej diya giya...Nahi maalum....
Is adhoori kahani pe phir wahi sawal hai ke...... kisi din aap ko ye pata chale ke aap ka koi bhai ya bahen (sibling) hai jis ki aap ko khabar hi na thi, to aap ka kiya jazbati aur nafsiyati 'reaction' hoga. Gussa, khushi, hairat ya sub kuch thora thora ??
Jese USA main cafes aur starbucks hote hain wese hi karachi main chai khane hote hain jahan shamon ko khub mehfilain sajhti hain. Hamare mohalle se zara aage aik "khan sahab" ka chai khana 'darweshabad hotel' ke naam se tha. Wahin beth ker hum america aane ke khawab dekhte, plans banate, forms bharte, dirty latife chalte, gossips hoti aur zindagi baag-o-bahar rehti. Wahan aksar aik larka Azhar aaya kerta tha. Azhar kafi suljha huwa larka tha, use america aane ka koi shoq nahi tha. Waalid ke paas achhi daulat thi. Azhar aur us ke ghar waale 'gulshan' (karachi ka ilaqa gulshane-iqbal) main banne wale naye naye bunglon main move ho gaye the is liye us ka aana jaana kafi kum ho gaya tha. Naye saal ki pehli shaam thi jub us ne hume apni ye adhoori kahani sunai. Mujhe nahi maaloom phir kiya huwa, is liye khaatir jama rukiye ke kahani ke ikhtatam pe mujhe na kosiye ga ke yunhi waqt barbad kiya. Magar us adhoori kahani ke baare main sochta hun ke... kisi din aap ko ye pata chale ke aap ka koi bhai ya bahen (sibling) hai jis ki aap ko khabar hi na thi, to aap ka kiya jazbati aur nafsiyati 'reaction' hoga. Azhar ne jis din hume ye kahani sunai us ke saath aik 11/12 baras ka larka bhi tha, jise us ne 'chai biscut' le kar dur bitha diya. Jub hum ne poocha, ye kaun hai to Azhar ne bataya....
"Mere abbu ki ye dusri shadi hai aur meri ammi ki bhi. Meri asal walida mere chote bhai zafar ki paidaish pe hi faut ho gain thi. Tub meri umer 17 baras ki thi. Hum dono ki paidaish main itna waqfa kiun raha ye mere liye bhi raaz hai. Ammi ki wafat ke baad zafar ko paalne ke liye abbu ne dusri shadi ker li. Mere liye nai soteli ma ko qabool kerna koi mushkil kaam na tha. Main college aur apni cricket main mast tha. Lekin khuda jhut na bulwaye, nai ma ne kabhi ye mehsoos na hone diya ke woh soteli ma hai. Us ne zafar ko sagi ma se barh ker paala hai. Ammi ki peechli zindagi ke baare main kuch maalum nahi. Bus suna hai un ka shoher sharabi tha. Marta pitta tha. Is liye talaq ho gai. Hum na to kabhi un ke ghar waalon se mile na kabhi ammi ne kuch bataya. Agar kabhi kisi ne poocha bhi to ammi taal gain. Hum ne to ye bhi suna tha ke abbu ammi ko bhaga kar laye the. Sach jhoot allah jaane.
Ammi aur abbu jitna aik dusre se piyar kerte hain utna hi jhagrte bhi hain. Abbu ke paas paise ki kami nahi is liye aksar hafte do hafte ke liye unka ghar chor jana hamare liye koi nai baat nahi. Abhi aik hafta pehle phir un dono ka jhagra huwa aur abbu bangkok chale gaye. Phir phone pe unki baat hui aur new year ke liye ammi aur zafar ko bhi bula liya. 2 din pehle chowkidar bhi chutti le kar gaon chala gaya.
Aaj saal ka pehla din hai. Subh 6 baje ke qareeb ghar main kisi khat khat se meri aankh khuli. Main ne uth ke khirki se bahir sarak pe dekha to police ki mobile khari thi aur naye banne waale bunglon main kaam kerte mazduron se bhatta le rahi thi. Mujhe phir ghar ke ander se ajeeb awazain aain to main pehli manzil pe ammi abbu ke kamre ki taraf giya to ye larka bag thame ander khara tha. Main samjha koi chor uchakka ghus aaya hai. Main ne daraya ke police bahir hi khari hai abhi unke hawale kerta hun. Is main bala ka confidence hai. Kehne laga tum mujhe yahan se nahi nikal sakte. Mujhe gussa aa gaya. Chor ulta kotwal ko daante wali masal ho gai. Main ise ghaseetta huwa darwaze tak laya. Darwaza khola to bahir lurke tape ball se cricket shuru ker rahe the. Main ne poocha, bolo ya to police ko de dun ya in larkon se bhurta bunwaun. Ye girgirane laga. Kehne laga tum meri baat aik baar to suno. Main ne kaha bolo... kehne laga...tumhari ammi meri bhi ammi hain.....main apne abbu ke saath rehta hun...ammi ne sakhti se mana kiya tha ke kabhi un se na milun. Woh chup chup ker mujh se khud milti thin. Unhon ne kaha tha ke tum agar bilkul majboor ho jao bus tub is ghar aana. Kul abbu ne sharab ke nashe main mujhe bohut mara aur ghar se nikal diya.... main ne bohut phone kiye magar ammi ne phone nahi uthaya (Ye un dinon ki baat hai jub mobile phone ya caller IDs nahi hoti thin). Mere paas koi chara na tha..main raat bhar dhundhe dhundhte chal chal ke yahan poncha. Mujhe laga ghar pe koi nahi is liye deewar phalang ke ander aa gaya. Ammi ke aane tuk yahan rehne do.
Azhar ne poocha ..tum sub batao main kiya kerta....main ne muskura ker kaha..ma baap alag alag hain phir bhi shakal to milti hai!, Kisi ne kaha ab bangkok se bhi aik bhai aaye ga !! Baat aai gai ho gai. Phir pata nahi aage kiya huwa.
Azhar ke abbu ne kese react kiya? Larka wahin raha ke phir bhej diya giya...Nahi maalum....
Is adhoori kahani pe phir wahi sawal hai ke...... kisi din aap ko ye pata chale ke aap ka koi bhai ya bahen (sibling) hai jis ki aap ko khabar hi na thi, to aap ka kiya jazbati aur nafsiyati 'reaction' hoga. Gussa, khushi, hairat ya sub kuch thora thora ??
2 comments:
You directed question at Azhar. I think, its more important to ask other 2 questions.
1. What you will do if you are at zhar's father place?
2. What will Azhar's new mom should do, if Azhar's father refuse to keep the boy?
I think this story tells us, how we should behave in case unexpected situation arise in life.
Exactly...You got the whole point..
"I think this story tells us, how we should behave in case unexpected situation arise in life"
Post a Comment