Reshma

(Few days back, koonj did a post secret-lives-of-pakistani-girls. Its a Followup as I revisited that time, era and culture)


"yaar Mukhiya uncle tumhara phone number maang rahe the, de dun ?"

"Rahim mukhiya uncle america aaye huwe hain?"

"Abe bhai ! peechle 10 baras se woh america main hi hain?"

"To ab mera phone number kiun dhund rahe hain?"

"Un ki beti Reshma yaad hai tujhe? - kafi beemar hai"

"Are Reshma ko kaun bhool sakta hai?".


Reshma hamare school main parhti thi. Hum se aik class peeche thi. Us ke walid Rahim mukhiya uncle school ke board member the magar bohut active aadmi the. Hur school activity main moujood hote the. Hum unke naam ka bara mazaq urate the ye kesa naam hai. Phir kisi ne bataya ke gaun main panchayat ke bare ko mukhiya kehte hain aur in ka khandan pusht dur pusht se apne gaun main mukhia hai...kher baat ho rahi thi Reshma ki.

Reshma bari khubsurat lurki thi. Hum sub use dekh ke aahain bhara kerte the. Reshma ka first cousin, farhad hamari class main parhta tha. Bara ajeeb larka tha. He was a real sex addict. Larka kia aur larki kiya. Us ke qisse poore school main mashoor the. Aksar use school ki roof pe dusre larkon ke saath 'qabile-aetraz' halat main dekha giya. Aur kubhi sunte farhad ne is larki ko siri per daba diya, us larki ko peeche se tek diya..wagera wagera... Farhad was protected by bigger boys in school,..... kiunke woh wahi kuch farhad ke saath kerte.

Jub hum naween (9th class) main paunche to farhad, mujhe aur talal ko claas ki aakhri row main aik hi bench allot hui. Shuru main talal aur main darte the magar jub farhad ko hum tests main cheating kerwa ke paas kerwane lage to phir hame koi khatra nahi raha. Aahista aahista hame bhi maza aane laga jab woh larke larkion se apne sexual adventures ke qisse sunata. Aik dafa break main Reshma saamne se guzri tab farhad ne bataya woh kese reshma ko roz uske ghar pe dabata hai. Humne kaha sharam ker. Teri first cousin hai. Teri bahen ke barabar hai. Woh daant nikal ke gadhe ki tarah hasne laga aur gaane laga: 'Reshma jawan ho gai...' 

Hum ne metric kheriat se ker liya (Talat kehta tha - with virgin ass) aur phir  farhad se mulaqat kum hi hoti magar uske sexual adventures ke qisse kahin na kahin se hum tuk paunch hi jaate.

Kher itni tamheed baandhne ka maqsad asal baat ki taraf aana hai ke, Reshma ki shadi ho gai. Bachhe bhi ho gaye. Phir woh america aa gai. Rahim mukhia uncle bhi yahan aa gaye. Reshma bohut bimar thi jab woh mera phone number dhundh rahe the. Reshama was diagnosed with AIDS. Mukhia uncle ko Reshma ne bataya ke ye kaam farhad se hi huwa hoga. Talal america main kisi tarah reshma ke contact main tha. Jab Reshma bimar hui to talal use hospital dekhne gaya. Mukhia uncle ne talal se farhad ki zindagi ke baare main aur kureda. Us ne sab bata diya. Mera naam bhi le liya. Farhad mukhia uncle ke bhai ka beta aur ghar ka hi bachha tha. Unhe yaqeen na aaya. Main ne bhi phone pe talal aur reshma ki baat ki toseeh ker di. Phone pe hi rone lage. Kehne lage Pakistan ja ker pehle to farhad ki biwi ko check kerwaun aur phir us kameene se hisab karun. Allah ka shukar hai reshma ka shoher sensible nikla aur maazi ki saari baat chor ker biwi ke ilaj pe tawajjah di. Shukar hai, na hi use aur na hi dono bachhon main se kisi ko HIV diagnose hui - which is nothing but a miracle - and still little hard for me to explain.

Us ke baad I lost my telephone diary in move, and eventually lost touch with talal too. Kuch pata nahi aage kiya huwa magar Pakistan ke so called conservative mahol main kese larkian incest ka shikar hoti hain aur chup chup seh jaati hain, ye us ki misal hai.