Monday, February 29, 2016

Gar Mujeh Is ka YaqeeN ho

It is questionably attributed to Chekhov that: "Any Idiot Can Face a Crisis; It’s This Day-To-Day Living That Wears You Out!" Like any other human, I have my those days and certainly many of my friends around. Years ago, I used to find solace in Faiz's following poem - and then life went on another path - but today after years I felt like listening again - talking to myself! - talking to my those friends!



Gar mujhey iska yaqeeN ho, mere humdum, mere dost
gar mujhey iska yaqeeN ho, ke tere dil ki thakan
teri ankhooN ki udasi, tere seeney ki jalan
meri dil_jooi, mere pyar se mit jaey gee
gar mera harf-e-tasalli voh dava ho,
jis se ji uThey phir tera ujd.ra hoa bai_noor dimag
teri paishanee se dhul jaiN yeh tazleel ke daagh
teri beemar javani ko shifa ho jaey

gar mujhey iska yaqeeN ho, mere humdum mere dost

 roz-o-shab, shaam-o-sehar, maiN tujhey bhelata rahoon
maiN tujhey geet sunata rahoon, halkey sheereen
 absharoon ke, baharoon ke, chaman_zarooN ke geet
amad-e-subh ke, mehtaab ke, sayyarooN ke geet
tujh se maiN husn-o-mohabbat ki hikayaat kahooN

 Kaisey maghroor haseenaooN ke barfaab se jism
garm hathoon ki hararat se pighal jatey haiN
 Kaisey ik chehrey ke Thaihrey hoey manoos naqoosh
dekhtey dekhtey yaklakht badal jatey haiN
kis tarah aariz-e-mehboob ka shafaf bilor
yakbayak baada-e-ahmer se dehak jata hai
 kaisey gulcheen ke liye jhuktee hai Khud shaaKh-e-gulaab
 Kis tarah raat ka aiwaan mehak jata hai

 yoonhee gata rahoon, gata rahooN,
teri Khatir geet bunta rahooN, baiTha rahoo, tere Khatir

par mere geet tere dukh ka madava hi nahi
naghma jarrah nahi, moonis-o-gum_Khuwar sahi
geet nashtar to nahi, marham-e-azar sahi
tere azar ka charaa nahi nashtar ke siva
aur yeh safaak maseeha mere qabzey main nahi
 is jahaN ke kisi zee_rooh ke qabzey maiN nahi

Haan magar tere sewwa tere seewa tere seewa

No comments: