"Aap to dubara Pakistan settle hone gaye the aur suna tha ke aap aram se settle bhi ho gaye hain. Wapas kiun aa gaye"?
"Aap ko batata hun ke shayed aap meri baat samjhain. Aap ko to pata hai main RT (Respiratory Therapist) hun. 13 baras pehle jab Pakistan se aaya to bus dil main yahi tha ke watan wapas jaayain ge aur apne mulk main rahain ge..... Mehnat ki, odd jobs ker ke college complete ki, RT bhi ban gaya, Green card aur phir citizenship bhi mil gayi, shadi hui, bachhe huwe aur zindagi ka karwan sukoon se chal raha tha magar ander kahin watan ki yaad har dum bechain kiye rakhti thi. Pichle baras Pakistan gaya to dekha Karachi main kai bare bare hospital khul gaye hain aur RTs ki zabardast demand hai. Naye Naye breathing machines, jinhe ventilator kehte hain ko operate kerne waale log hi nahi the. Wapas aake biwi ke haat per jore ke chalo abhi waqt hai. Mun maangi salary hai. Phir lot chalte hain.
Pakistan jaa ke mujhe koi dikkat nahi hui. Watan wapas aane ka euphoria tha. Jo makan yahan becha usi se clifton ke ilaqe main luxury apartment aur car le li. Allah ke fazal se dono bachhe bhi foran set ho gaye. Biwi ko bhi jab naukranian mil gain to khush rehne lagi. Meri job bhi shuru ho gayi. Dekhte hi dekhte main poore hospital pe cha gaya. Oxygen, nebulizers aur breathing machines sahi operate hone lage to doctors bhi khush the aur hospital waale bhi.
Magar phir aik chota sa waaqia huwa aur dil aesa uchat huwa ke sub kuch chor ke wapas america aa gaya. Huwa yun ke aik din mujhe raat 10 baje phone aaya ke hospital main aik no-jawan ko laaye haiin aur breathing machine patient se synchronize nahi ho raha hai. Main ICU paucha to aik intihaai khubsurat 21/22 baras ka larka tha. Jise khub mara gaya tha. Us ke bachne ki umeed kum thi. Ma baap ka iklota beta tha. Honor student tha. Jald aeronautical aur aviation ki training ke liye UK jaane waala tha. Us ko bachpan se airplanes se diwangi ki hud tuk shoq tha aur ab scholarship mil gayi thi aur us ke khawab poore hone waale the. Magar meri nazar to uske baap se na hatti thi. Use to jese sakta sa ho gaya tha....Main bed ke paas breathing machine reset ker raha tha to kehne laga...zindagi ka aik aik pal jis bete ko diya use log itni aasani se kese cheen sakte hain...ye baat mere zahen main teer ki tarah lagi. Mere apne bete ki surat meri aankhon main phir gai...huwa yun ke....Gol market se logon ne america ke khilaf juloos nikala. Juloos sunni masjid se nikla tha. Raaste main shion ki koi colony parti thi. Juloos wale america ko to bhool gaye magar shia colony pe pathrao shuru ker diya. Ye bachha bahir khara tha. Juloos walon ke kiya dil main aai ke is ke peeche bhage. Ye ander colony main ghusa to ander jaake ise pakar liya aur itna mara ke ab ye hospital main para tha. Isi doran suna ke maulvion ne KFC jala di aur ander do masoom kaam kerne waale larke jo musalman hi the saath jala diye....aur kitni aesi khabrain sunaon...Bus ghar aata, apne bete ki surat dekhta aur raat bhar so nahi pata...kai baap aur ma nazron main phirte rehte. Aas paas ke log kuch na feel kerte jese kuch huwa hi nahi. Ajeeb behisi ka aalam tha. Bus aesa dil kharab huwa hai ke wapas aa gaya.
Mujhe na to pollution ne, na traffic ne aur na garmi ne tang kiya. Pehle se rishwat aur corruption ke liye bhi tayyar tha. Magar aapas ki nafratain, logon ka wahsianapan aur behisi mujhe maar gayi. Main wapas aa gaya....Aap bhi meri biwi ki tarah sochte honge ke kesa jazbati aur bewaqoof aadmi hai !"
"Aap ko batata hun ke shayed aap meri baat samjhain. Aap ko to pata hai main RT (Respiratory Therapist) hun. 13 baras pehle jab Pakistan se aaya to bus dil main yahi tha ke watan wapas jaayain ge aur apne mulk main rahain ge..... Mehnat ki, odd jobs ker ke college complete ki, RT bhi ban gaya, Green card aur phir citizenship bhi mil gayi, shadi hui, bachhe huwe aur zindagi ka karwan sukoon se chal raha tha magar ander kahin watan ki yaad har dum bechain kiye rakhti thi. Pichle baras Pakistan gaya to dekha Karachi main kai bare bare hospital khul gaye hain aur RTs ki zabardast demand hai. Naye Naye breathing machines, jinhe ventilator kehte hain ko operate kerne waale log hi nahi the. Wapas aake biwi ke haat per jore ke chalo abhi waqt hai. Mun maangi salary hai. Phir lot chalte hain.
Pakistan jaa ke mujhe koi dikkat nahi hui. Watan wapas aane ka euphoria tha. Jo makan yahan becha usi se clifton ke ilaqe main luxury apartment aur car le li. Allah ke fazal se dono bachhe bhi foran set ho gaye. Biwi ko bhi jab naukranian mil gain to khush rehne lagi. Meri job bhi shuru ho gayi. Dekhte hi dekhte main poore hospital pe cha gaya. Oxygen, nebulizers aur breathing machines sahi operate hone lage to doctors bhi khush the aur hospital waale bhi.
Magar phir aik chota sa waaqia huwa aur dil aesa uchat huwa ke sub kuch chor ke wapas america aa gaya. Huwa yun ke aik din mujhe raat 10 baje phone aaya ke hospital main aik no-jawan ko laaye haiin aur breathing machine patient se synchronize nahi ho raha hai. Main ICU paucha to aik intihaai khubsurat 21/22 baras ka larka tha. Jise khub mara gaya tha. Us ke bachne ki umeed kum thi. Ma baap ka iklota beta tha. Honor student tha. Jald aeronautical aur aviation ki training ke liye UK jaane waala tha. Us ko bachpan se airplanes se diwangi ki hud tuk shoq tha aur ab scholarship mil gayi thi aur us ke khawab poore hone waale the. Magar meri nazar to uske baap se na hatti thi. Use to jese sakta sa ho gaya tha....Main bed ke paas breathing machine reset ker raha tha to kehne laga...zindagi ka aik aik pal jis bete ko diya use log itni aasani se kese cheen sakte hain...ye baat mere zahen main teer ki tarah lagi. Mere apne bete ki surat meri aankhon main phir gai...huwa yun ke....Gol market se logon ne america ke khilaf juloos nikala. Juloos sunni masjid se nikla tha. Raaste main shion ki koi colony parti thi. Juloos wale america ko to bhool gaye magar shia colony pe pathrao shuru ker diya. Ye bachha bahir khara tha. Juloos walon ke kiya dil main aai ke is ke peeche bhage. Ye ander colony main ghusa to ander jaake ise pakar liya aur itna mara ke ab ye hospital main para tha. Isi doran suna ke maulvion ne KFC jala di aur ander do masoom kaam kerne waale larke jo musalman hi the saath jala diye....aur kitni aesi khabrain sunaon...Bus ghar aata, apne bete ki surat dekhta aur raat bhar so nahi pata...kai baap aur ma nazron main phirte rehte. Aas paas ke log kuch na feel kerte jese kuch huwa hi nahi. Ajeeb behisi ka aalam tha. Bus aesa dil kharab huwa hai ke wapas aa gaya.
Mujhe na to pollution ne, na traffic ne aur na garmi ne tang kiya. Pehle se rishwat aur corruption ke liye bhi tayyar tha. Magar aapas ki nafratain, logon ka wahsianapan aur behisi mujhe maar gayi. Main wapas aa gaya....Aap bhi meri biwi ki tarah sochte honge ke kesa jazbati aur bewaqoof aadmi hai !"
2 comments:
i love your written urdu -- fun to read!!!
thanx
Post a Comment