(Peechle post pe Koonj ke comment per meri zindagi ke waaqiat se mustaar lia huwa aik qissa)
Mere taya yani abbu ke bare bhai suna hai parhe likhe aadmi the. Un ki pervarish Agra main hui, is liye abbu batate hain urdu bari shaista bolte the. Ye bhi suna hai ke un ke column akhbaron main chapa kerte the, lakin hamare khandan main baqi kisi ko aesi koi dilchaspi nahi thi, is liye agar chape bhi the to ab kuch nahi maalum ke kaunse akhbar main likhte the aur allah jaane kiya likhte the. Hame to bus itna yaad hai ke jub hum 4/5 baras ke the to rozana naashte ki mez per hum un ke saath bethte, woh akhbar parhte aur hum un se batain kerte aur woh muskura ke humare sir pe haat rukhte. Hume yaad nahi kubhi daanta ho albatta baron ko samjhate ke bachhon se kese pesh aate hain. Hume ye bhi yaad hai ke raat ko khub tahajjud parha kerte aur hume us andhre kumre se bohut dur lugta.
Unhon ne aik tota paala, jis ka naam "mitthu" par gaya tha. Rozana nashte ke baad kaam pe jaate taya kuch der baramde main khare ho ker mitthu se batain kerte aur phir hamari dadi ki duain le ker chal dete. Un ko mitthu se bara pyar tha. Aaj barson guzarne ke baad bhi jo log hamari haveli main aate jaate rahe the, milte hain to mitthu ka zikar zarror aata hai. Jub hamare taya ke haan un ke bare bete Nisar bhai paida huwe to pyar se woh unhe bhi "mitthu" bulate. Ab ghar main do mitthu ho gaye to tote ko sub ne "mian mitthu" bana diya. Nisar bhai bachpun se bohut bimar rehte the. Un ko hur waqt badan main 'khench' aati rehti. Hakkemon se kaam na bana to "wilayti doctron' ko dikhaya. Koi kehta 'focal seizures' hain koi kehta 'Tic' ka marz hai magar kisi dawaii ne kaam na kiya. Taya Nisar bhai ke liye bohut pareshan rehte.
Aik subh hum uthe to naashte ki mez per taya nahi the. Ghar pe ajeeb matami mahol chaya tha. Hum ne amma se poocha: 'kiya huwa'. Amma ne bataya: 'kul raat mian mitthu mur gaye'. Hum bhi bare udas huwe magar taya ko to jese us ki maut ka ghin lug gaya. Chup rehne lage. Ab Nisar bhai ki pehle se kahin ziyada fiqar kerne lage, jese obsession ho gaya ho. Dadi aur tayi ne bohut samjhaya ke allah ki murzi hai, achhe se achhe hakeemon, doctron aur homeopathic ko dikha diya, nazar bhi utarwa li, sadqa bhi ker diya aur kaale jaadu ka tor bhi kiya - ab nisar ki halat nahi theek hoti to kiya karain. Allah ka shukar karo baqi khandan ki saari auladain sahetmand hain - magar taya ko qarar na aaya, bister se lug gaye. Hum un ko glucose ki drip laga kerte dekhte. Aur phir aik din taya is jaahne faani se kuch ker gaye.
Taya ki jaan "mian mitthu" aur "mitthu" main atak gai thi.
Mere taya yani abbu ke bare bhai suna hai parhe likhe aadmi the. Un ki pervarish Agra main hui, is liye abbu batate hain urdu bari shaista bolte the. Ye bhi suna hai ke un ke column akhbaron main chapa kerte the, lakin hamare khandan main baqi kisi ko aesi koi dilchaspi nahi thi, is liye agar chape bhi the to ab kuch nahi maalum ke kaunse akhbar main likhte the aur allah jaane kiya likhte the. Hame to bus itna yaad hai ke jub hum 4/5 baras ke the to rozana naashte ki mez per hum un ke saath bethte, woh akhbar parhte aur hum un se batain kerte aur woh muskura ke humare sir pe haat rukhte. Hume yaad nahi kubhi daanta ho albatta baron ko samjhate ke bachhon se kese pesh aate hain. Hume ye bhi yaad hai ke raat ko khub tahajjud parha kerte aur hume us andhre kumre se bohut dur lugta.
Unhon ne aik tota paala, jis ka naam "mitthu" par gaya tha. Rozana nashte ke baad kaam pe jaate taya kuch der baramde main khare ho ker mitthu se batain kerte aur phir hamari dadi ki duain le ker chal dete. Un ko mitthu se bara pyar tha. Aaj barson guzarne ke baad bhi jo log hamari haveli main aate jaate rahe the, milte hain to mitthu ka zikar zarror aata hai. Jub hamare taya ke haan un ke bare bete Nisar bhai paida huwe to pyar se woh unhe bhi "mitthu" bulate. Ab ghar main do mitthu ho gaye to tote ko sub ne "mian mitthu" bana diya. Nisar bhai bachpun se bohut bimar rehte the. Un ko hur waqt badan main 'khench' aati rehti. Hakkemon se kaam na bana to "wilayti doctron' ko dikhaya. Koi kehta 'focal seizures' hain koi kehta 'Tic' ka marz hai magar kisi dawaii ne kaam na kiya. Taya Nisar bhai ke liye bohut pareshan rehte.
Aik subh hum uthe to naashte ki mez per taya nahi the. Ghar pe ajeeb matami mahol chaya tha. Hum ne amma se poocha: 'kiya huwa'. Amma ne bataya: 'kul raat mian mitthu mur gaye'. Hum bhi bare udas huwe magar taya ko to jese us ki maut ka ghin lug gaya. Chup rehne lage. Ab Nisar bhai ki pehle se kahin ziyada fiqar kerne lage, jese obsession ho gaya ho. Dadi aur tayi ne bohut samjhaya ke allah ki murzi hai, achhe se achhe hakeemon, doctron aur homeopathic ko dikha diya, nazar bhi utarwa li, sadqa bhi ker diya aur kaale jaadu ka tor bhi kiya - ab nisar ki halat nahi theek hoti to kiya karain. Allah ka shukar karo baqi khandan ki saari auladain sahetmand hain - magar taya ko qarar na aaya, bister se lug gaye. Hum un ko glucose ki drip laga kerte dekhte. Aur phir aik din taya is jaahne faani se kuch ker gaye.
Taya ki jaan "mian mitthu" aur "mitthu" main atak gai thi.
(35 years fast forward)
Nisar Bhai ne teen baras pehle apne kidney transplant ke liye mujh se kuch qarz liya tha. Allah ke fazal se transplant kaamyab raha. Transplant ke baad un ki kench ki bimari bhi qadre dafa ho gai. Mashaallah ab Atlanta main karobar ker rahe hain. Mujhe paison ki zarrorat pari to main ne unhe phone kiya to kehne lage abhi to nahi mere paas, teen mahine ka waqt do. Main ne kuch na kaha. Us raat taya mere khawab main aaye aur bole: "mitthu ko tang na karo". Main ne dusre din Nisar bhai ko phone kiya, taya ki baat to na bataii magar kaha: 'aap befiqar ho jaain, jub hon - lauta dijye ga". Taya ki jaan shayed mar ke bhi "mitthu" main atki hui thi.
2 comments:
My God. Subhanallah what a story.
Achhi pyar bhari daant par gayi tayajan se. Mitthu ne unka dil kaisa narm kar diya keh toot hi gaya. Hai udaas kar diya, mystic saheb.
Haan isi tarah mera dil toton se toot gaya aur ab raihana ki zara zara si baat bardasht nahin hoti.
Bus ye aulad insaan ko khud apna nahi rehne deti !!
Post a Comment