Selfie (An urdu short story)

(I know Dr. Shabih Manzar from my days in medical school and later had some good Urdu sittings with him, while I was in Chicago. I have not been in touch with him for a long time but someone forwarded his 'short write up' to me. I am just putting a part of it.

سیلفی

آج شاد بابا کے ساتھ کیفے پیالہ میں ایک سیلفی کھینچوا کر فیس بک پہ لگائی تو دوست حیران رہ گئے۔ جوانی میں یہاں بہت وقت گزرتا تھا۔ شاد بابا کیش پہ بیٹھتے۔ عین کیش کاؤنٹر کے پیچھے کعبہ کی تصویر تھی۔ لوگ کہتے بھی کہ اس کی جگہ بدل لو پیٹھ پڑتی ہے۔ مگر شاد بابا کسی کی نہ سنتے۔ 

ان دنوں انڈین فلموں میں یورپ میں گانے فلمائے جاتے اور ہم دوست یار ٹی وی پر یورپ دیکھ کر خوش ہو جاتے۔ یہ خوابوں کا زمانہ تھا۔ پھر ایک ایک کر کے دوست باہر نکل گئے۔ بس فیس بک پر ان سے رابطہ رہتا۔ اب یہ دیکھ کر خوشی ہوتی کہ ہم میں سے اکثر  یورپ ، امریکہ، کینیڈا اور آسٹریلیا پہنچ گئے تھے۔ دوست گاہے بہ گاہے فیس بک پر اپنی اپنی ٹرپ کی سیلفیاں اور دیگر تصاویر لگاتے رہتے۔ کوئی نہ کوئی مانومنٹ پیچھے ہوتا۔ 

میں جب پاکستان آیا تو کیفِ پیالہ میں شاد بابا کو دیکھ کر حیران رہ گیا۔ تھوڑے بوڑھے ہوگئے تھے مگر سادگی وہی تھی۔  میں نے جب تصویر کا کہا تو مان گئے۔ پھر اپنی ایک تصویر دکھائی جو فیس بک پر تھی۔ کعبہ کے ساتھ۔ - بولے عمرہ گیا تھا وہاں کھینچی۔ کعبہ پیچھے ہے پیٹھ پڑ رہی ہے ، تھوڑی بے حرمتی تو ہے ، مگر جب سے یہ ریستوران کھولا تھا بس ایک ہی خواہش تھی۔ اللہ کے گھر کے ساتھ ایک تصویر۔ 

آج میں نے جانا کہ جب ہم تصویر لے رہے ہوتے ہیں تو آگے کیمرہ اور پیچھے ہمارے خواب ہوتے ہیں۔ 

ش۔م