Rafiq Chacha ki 2 rupe wali gari

Hum us waqt koi 7/8 baras ke rahe honge. Hamare Nana Africa se wapas aaye to sab ke liye kuch na kuch tohfa le ker aaye. Magar mera tohfa sab se mehnga tha. Mere liye woh aik achhi si inglistan ki bani hui gari le ker aaye, jo chabi se chalti thi.

Amma ne mujhe gari di to boliN: "Ye bohut mehngi gari hai. Poore 25 rupe ki (us waqt 25 rupe bohat hote the). Dekho sambhal ke rakhna aur bhai ke saath mil ke khelna." Main bhai ke saath bhala kiun khelta? Saath ke dusre 'cousins' ghar aate woh bhi bohat kurhte. Main bari 'raunat' se gari se khelta aur unke dil jalata rehta.

Aik din un sab ne paise jama kiye aur bahir 'Rafiq chacha' ki dukan se 2 rupe ki choti gari khareed ke le aaye - aur mujhe challenge kiya: "Race laga lo. Jo gari jeete woh behtar". Main apni bari gari ke zom main tha, race laga betha. Us do rupe ki aluminium ki khali kholi halki gari se meri bhari bharkham chabi se chalne wali gari buri tarah haar gai. 8 main se 7 cousins ne yaktarfa mere khilaf faisla de diya - aur main haar gaya.

Main barson is haar pe kurhta raha. Woh haar mujhe hazam nahi hui. Kese maan lun? meri inglistan ki bani itni mazboot model ki gari Rafiq Chacha ki 2 rupe ki gari se haar gai?

Magar jub zindagi ki resha-dawanion se pala para tub mujhe us haar ka matlab samjh aaya: Aadmi jitna mal-o-daulat ke bojh se apne aap ko bhari ker le, utna hi uska chalna mushkil ho jata hai. Rafiq Chacha ki 2 rupe ki gari ka rasta hi asan aur sahal rasta hai.

"Allah hum sab ko asani de aur asani taqseem kerne ka sharf bakhshe" - Ashfaq Ahmad

Unique view

Few months ago I did a post titled Psychological Dyslexia . Few peoples have ability to see angles of thing, which are present for centuries but nobody ever discovered it.

When first time I read Arundhati Roy, I was not very impressed with her writing skills but was blown away with her unique views to different aspects of life and relationship. She had immense emotional depth. Lately, she created stir with her comment on disputed region of Kashmir. Read her unique view:

"India needs azadi from Kashmir just as much as - if not more than - Kashmir needs azadi from India. The unimaginable sums of public money that are needed to keep the military occupation of Kashmir going is money that ought by right to be spent on schools and hospitals and food for an impoverished, malnutritioned population in India. What kind of government can possibly believe that it has the right to spend it on more weapons, more concertina wire and more prisons in Kashmir?"

Thelma

Zindagi main kuch waqiaat kiun hote hain, aur hum kuch logon se kiun milte hain, is ki aksar khud hame bhi khabar nahi hoti - magar is "divine web" main hum sab aik dusre se kachhe dhagoN main bandhe huwe hain.

Kuch dinoN pehle doctors ki aik private mehfil main ye guftagu chal nikli ke har koi aik aesa waqiya bayan kare jo anhona (unexpected) ho.... Dr. Karim (name changed) is a dermatologist. He is a very religious and a family person....unki zaban se jub ye baat nikli ke ya waqiya aik prostitute/sex worker ka hai to hum sab ke kaan khare ho gaye !!

"Mera bhai Belgium main rehta hai. Koi 3 baras pehle Pakistan jaate huwe main hafte bhar ke liye uske haan ruka. Aik roz doston ke israr pe main bahek giya aur hum "red light district" ki taraf chale gaye. Thelma mujhe wahin mili. Jub main Thelma ke saath tha to uske private area pe mujhe aik brownish mole nazar aaya. Main dermatologist tha. Woh mole melanoma ke classic 'ABCD' pe poora utarta tha. Main ne Thelma ko mashwara diya ke doctor ko zaroor dikhaye...Is saal main phir Belgium gaya to Thelma ka khayal aaya. Main usko khojne wapas gaya. Woh ab bhi wahan kaam kerti thi. Mujhe dekhte hi gale se lag gai - kehne lagi: "You are my angel. It was indeed a cancer. I got surgery and cured. You saved my life. You will be guest of the house tonight !"

Shabana - 2

Agar aap ko yaad ho to is blog pe main ne aik bazla-sanj (witty) lurki "shabana" ka zikar kiya tha, jo mere saath Karachi main house job kiya kerti thi.

Peechle weekend main apne purane kagaz saaf ker raaha to us main se shabana ka aik card baramad huwa. Tafseel suniye:

Main house job ke kuch arse baad America aa gaya aur Shabana wahin reh gai. Uski shaadi hamare saath ke hi aik senior doctor se ho gai. Jub main residency main pehli baar Pakistan gaya to Shabana ke kai messages mile ke - usse mile bagair wapas na jaun magar main wadon ke bawajud usse mile bagair wapas USA aa gaya. Aake mujhe apni kum-zarfi ka aehsas hua to main ne Shabana ko "I am sorry" ka aik card mail kiya. Kuch hafton baad uska aik sada sa card mausul huwa aur andar ye do satrain (lines) likhi thin..

Manane ki adat kahan par gai
Satane ki ta'alim kiya ho gai ?

Metros

Shahr (Metros) 2 tarah ke hote hain.

1. Jis ka intazam isliye theek nahi rakha ja sakta kiunke wahan log rehte hain. 2. Jis ka intazam isliye theek rakha jata hai kiunke wahan log rehte hain.

Ab ye aap ki qismat hai ke aap kis shahr main rehte hain.

Zindagi

"Jub tum se milne ke baad mujhe aesa laga ke main hamila hun to pehle dar gai magar phir jub aesa na huwa to aik dukh sa huwa"

"Sach poocho to aik halki si chot mujhe bhi lagi thi - ke kaash hamara dar sach hota"

Khandani Dushmani

Main metric main tha jub Sher Khan ne hamare mohalle main makan liya. Sher Khan ka taaluq Chitral se tha. Us ne Karachi University main admission liya tha. Sher Khan "surkha" (leftist) tha aur testosterone nikalte hi mere khayalat bhi bagyana (rebellious) ho gaye the. Sher Khan se meri dosti ho gai. Jub Pakistan main General Zia ke khilaf MRD ki tahreek chali to main Sher Khan ki banners banane main madad kiya kerta. Mere Medical School main paunchne ke baad ye dosti aur gheri ho gai.

Sher Khan ne aahista aahista apne chote bhaiyon, bhanjon aur bhatijon ko bhi Karachi bulwa liya. Main unko tutition parhaya kerta. Aik din tuition parhane pauncha to ghar band tha. Parosion ne bataya, Sher Khan Chitral gaya tha wahan use kisi ne golian maari hain aur hospital main hai. Saare ghar wale chale gaye hain. Koi 6 mahine baad, Sher Khan wapas aaya to main ne Poocha: "Kiya siyasi chakkar tha?",

bola: : " Nahi ! Purani khandani dushmani thi"

Main ne poocha: "Dushmani kis baat pe chal rahi hai?"

Sher Khan ne jawab diya: "ye khandani dushmani bhi ajeeb hoti hai. Dono taraf kisi ko nahi maalum asal jhagra kub aur kiun huwa tha. Har nasal ke sainkroN afrad mar chuke hain. Tum mujhe parha likha samjhte ho na ! magar bachpun se meri aesi brainwashing hui he ke saamne waale ko dekh ke mera khun kholne lagta hai. 8 main se 1 goli ab bhi andar hai. Ye Khandani dushmani bari kutti cheez hai."

Never underestimate the power of revenge....

Munir ki guriya

Munir koi 2 baras pehle Karachi se aa kar mere 'neighborhood' main abad huwa. Use Pakistan ki yaad bohat satati thi. Ab ke summer vacation main, main ne hi use mashwara diya ke bachhon ke saath Pakistan ho aaye. Jaate waqt apne mail box ki chabi de gaya ke meri mail collect kerte rehna. 2 roz pehle mail collect kerte mujhe khayal aaya ke Munir ne to ab tak Pakistan se wapas aa jana chaiye tha. Ab to school bhi shuru hone ko aaye hain.

Main ne Munir ke ghar Karachi phone kiya to mere pairon tale se zameen nikal gai. Qissa Munir ki zabani suniye:

"Yaar 2 mahine se jis uftad main para hun, kiya kahun. Karachi paunch ke mera pehla hi din tha. Mera bhanja mujhe se milne aaya. Mere ghar Karachi main gari hai, main ne kaha - aao tumhe chor dun. Raaste main aik restaurant nazar aaya jis ke bahir bachhon ke khelne ke jhoole lage the. Meri Guriya (his 4 year old daughter) zid kerne lagi ke yahan khelna hai. Hum wahin beth gaye aur guriya khelne lagi. Kuch der baad aehsas huwa guriya nazar nahi aa rahi....... Guriya khoi to aesi khoi ke aaj tuk nahi mili. Police report kaho, akhbar main ishthar kaho - har jatan ker dekha. Main khud ilaqe main meelon chala hun. Gharon pe poocha - magar guriya nahi mili. Meri biwi pagal si ho gai hai. Roz rote rote mujhe kosti hai ke meri beti kho di...Jub tuk guriya na mile, kese wapas aaun?"

Kiya khabar thi mera mashwara aik afat bun jaaye ga !

Why do I blog - 2

Mujhe Diary (now blog) likhne ki adat koi 25 baras se hai! Saal bhar se ziyada huwa, main ne aik post likhi thi "why do I blog", jis ka theme ye tha ke: "Jin baaton pe mera akhtiyar nahi, un pe blog likh ke izhar to ker sakta hun".

Magar blog likhne ki is se bhi bari aik aur wajah hai.

Peechle mahine main ne "the last lecture" parhi aur tub se ye post likhna cha raha tha. Mujhe bhi kitab ke musannif ki tarah ye khayal aksar aata rehta hai ke agar aaj meri maut waiqye ho jaye to: "What would I left for my kids?"

Banu Qudsia kehti hain: 'hum apne bachhon ko siwaye duaon aur nasihat ke de hi kiya sakte hain". Shayed main ye blog apne bachhon ke liye hi likhta hun ke agar kul main na hun to - they atleast know, what their father wanted them to learn from life !
....................

Bohut kum log jaante hain ke main blog likhta hun. Pechle saal Montreal ke aik khubsurat din, main ne apne aik dost se kaha tha: "agar main mar jaun to koshish kerna, mere bachhe mera blog parh sakain".

I hope my friend remembers my request.

1947

A line from Saugoree Uncle blog on Pakistan/India independence day:

"All Hindoos and Sikhs left our village safely taken by the Baloch regiment trucks and I have not forgotten my friend Faqeer Chand sitting in one corner of the truck with a sad face".

Bala ke Zaheen

Kuch log bala ke zaheen hote hain. Aesa hi aik shaks tha "Razi"
(name changed)

Razi ab Karachi ke aik Medical School main head of department hai. Ye mere MBBS ke first professional ka waqiya hai. Hamara first professional 2 saal ka huwa kerta tha. 2 saal ke ikhtatam pe aik lamba chora imtahan hota tha jis me Anatomy, Physiology, Biochemistry, Embroyology, Histology wagera wagera sare subject ka aik saath pehle theory aur phir viva huwa kerta. Agar aap ne 2 saal dil laga ker parhai nahi ki hai to aap ka fail hona yaqini tha (I failed). Abhi Imtihan main 4 mahine baqi the.

Razi ka kaam poora din union-bazi kerna, canteen main dhama-chokri kerna aur raat doston ke saath ghumna phirna tha. Jub imtihan ki date announce ho chuki to aik din Razi ghabraya huwa mujhe medical book store pe mila. Poochne laga kiya kiya parhna hoga. Main ne saari kitabon ke naam bata diye. Razi saari kitabain le ker chala gaya....

when results announced he was among top students....

Allah jane kuch logon ke paas aesa dimag kahan se aata hai

Aik anhoni kahani

An unusual tale of "Near Death Experience"

"Doctor Sahab ! aap ise mere dimag ka khalal keh sakte hain magar khuda ki qasam aik aik lafz sach bayan kerta hun. Us raat meri tabiyat bohat kharab thi. Mere bachne ki umeed kum thi. Ab to hospital walon ne bhi keh diya tha ke mazeed ilaj mumkin nahi. Meri gurbat ka to aap ko ilm hai hi. Chote se aik kamre ke us makan mai - mera sir biwi ki god main tha aur jism neem murdah zameen pe para tha.....Us raat meri biwi ne bacche ko aap ki clinic bheja magar aap clinic band ker ke ja chuke the. Raat ke 11 ya 12 ka waqt hoga. Pehle mujhe aesa laga aap aaye ho magar phir aik aehsas tha. Yun mehsoos huwa jese koi dur daraz se urta aaya aur kachhi abadi ki andheri gali se mere chote se makan main daakhil huwa. Main to wahin para tha magar mujhe us ke ur ker aane ka aehsas tha - haan bikul aese jese superman aata hai - Us ne mere ghar main dakhil ho ker kaha: "Main maut ka farishta hun. Pehle apne bachhe (children) theek ker lo, phir le jaun ga". Yaqeen kijye doctor sahab us din se tabiyat jo khud b khud sambhlna shuru hui to sahatyaab hi hota gaya. Is baat ko itna waqt guzar gaya ke ab bachhe bhi bare ho kar apne kaam kaaj main lug chuke hain. Lagta hai - ab kisi bhi waqt phir bulawa aa jaye ga."

Small act of kindness

Over weekend, I was in one of the water park. I noticed 'those 2 muslim girls' in scarf couple of times and I am sure, other people have the same thought that: "What these muslim girls are doing in this water park?"

It was very very hot. I was standing in a line to buy "thandi thandi paani ki bottle". I had same 2 muslim girls in scarf standing 3/4 persons ahead of me and behind them was a white women with 6/7 month old baby, who was crying hysterically due to heat and mother was getting impatient to reach counter. Those 2 muslim girls let that mother go ahead of them. I noticed 'huge thank you' expression on mother as well as other peoples' face who were in line.

"Those 2 muslim girls" did best service to their religion by displaying an act of kindness. They didn't just wore scarf but carried its theme to other people.

Sleep

Like many other questions of life, which remain unanswered for me:
"Is sleep, a gift or a curse for any given life?"