Dreaming of rubble

I am always interested in pathophysiology, para-psychology and mystical dimensions of dreams, as you may have seen many posts on this blog. Here one caught my eye from one man who in one way belongs to my intellectual tribe, fondly called NFP. He dissects his dream in an unusual manner!

"In the dream I’m in a plain t-shirt and jeans, looking (and feeling) like I used to in my 20s: Lean, agile and a swift walker; no ‘pot belly’ or that stoic post-40 calm. I often dream about my father, to whom I was very close. Perhaps my mind has yet to accept his passing away. Nevertheless, in the dream he drops me in a busy area full of traffic and shops, and where lots of construction work is taking place. I get off, and that is when I realise I am carrying a black knapsack. This is strange because I have always hated knapsacks. Even when I travel across Asian and European cities and walk for hours, I refuse to carry one. So I wonder what the knapsack symbolised in the dream? Some sort of a burden or a worrying thought, perhaps?............."

Read full article here http://www.dawn.com/news/1044595/dreaming-of-rubble

Death in Sleep!

Kiya log chale jaane ke baad hame aalme-bala main yaad kerte hain? ya neend main hum sab alame-baala main hote hain?

 .............Aaj main aik aese kawab se bedaar huwa jis main aik bohat purana dost jo ab ja chuka - mere paas betha batain kerta raha. Us ke jaane se pehle hamari laraii hui thi, baat cheet band ho gai thi, taaluqat aese tute ke phir kabhi baat na hui...and we became friends again in my dream! 

 Uth ker kuch der main kafi pareshani ke alam main raha. Yun mehsoos hota tha woh khawab nahi, haqeeqat tha! Main ne Quran khola to ye ayat parhne ko mili: "Woh wahi hai jo raat main tumhae wafat deta hai aur janta hai jo kuch din main kamao, phir tumhe din main uthata hai ke theraii hui mee'ad puri ho - phir usi ki taraf phirna hai - phir woh bata dega jo kuch tum kerte the' (6:60) 

Tsunami

Is blog pe "Dreams" (khawab) pe kai post hain. You can call it my own psychotherapy. Urdu ke aik bare adeeb 'Mumtaz Mufti' apne bistar ke sarhane kitab pencil rakha kerte the aur apne saare khawab - is se pehle ke bhool jaayain - likh liya kerte the. Unka kehna tha: "Khawab kuch batain na batain, kam az kam andar ki zaat ka pata to dete hain". 


Kuch khawab is qadar 'personal' aur 'intense' hain ke bayan nahi kiye jaa sakte (aur kerne bhi nahi chahiye) - magar dusre kuch khawab yahan blog pr naqal ker leta hun. 'Interestingly' kuch khawab (jo us waqt to samjh na aaye magar) aage chal ker zindagi ke waaqiyat ka waze ishara ya tambih (warning) sabit huwe. Aese hi aik khawab ki roodad likhta hun.


Main kisi 'school' ya kisi 'community activity' ka aik 'teacher' hun. Hum sab kuch bachhon ko aik darya kinare picnic manane le jaate hain. Wahan har 'teacher' ko bachoon ka aik aik 'group' milta hai. Mere 'group' main chaar bachhe hain jin ki shaqlain to mujhe waze tor per yaad hain magar meri asal zindagi se unka koi taaluq nahi. Hum sab saahil kinare aik dari (carpet) daal ke beth jaate hain. Us roz bachhe apne saath aik aik khilona le ker aaye hain. Main bachho se kehta hun ke aaj sab aik dusre ka khilona adal badal kar khelain ge - taake zindagi 'share' ker ke guzarne ka sabaq haasil ho... Aas paas dusre groups apni 'activities' main masroof hain................


.........Aur phir meri nazar aasman ki taraf utthti hai to 300/400 feet unchi aik 'Tsunami' wave saamne nazar aati hai. Is se pehle ke main sab ko khabardar kerta - woh laher hum per aa guzarti hai. Main aik 'pipe' ko pakrta hun. paani mujh pe guzar raha hai. main paani se bachnne ke liye saans rokta hun. Mujeh bachhoN ka bhi khayal aa raha hai. Us guzarte azab ka aik aik lamha mujhe mehsoos hota hai. Saans rokne se mera dum ghoot raha hai ......


..........aur phir us dum ghutne ke aehsaas se meri aankh khul jaati hai.

Aik qayamat hui bedaar, khuda kher kare

Aik aur Khawab - and Fortune Cookie

So I guess I didn't learned my lesson from previous incident ( last post) as I was suppose to and continued my sinful journey.

Jub parson shaam main apni 'resha-dewanioN' ke baad ghar wapas aaya to aik taraf khud pe ghin aa rahi thi ke - 'Babu ye kiya kaam kiya?' - to dusri taraf neend ka zahan pe poori tarah galba tha. Khawab main kiya dekhta hun ke - main pahari ilaqon main gaari dora raha hun - aur phir aik charhaii pe aake meri gaari phans jaati hai. Main poora zor lagata hun ke gaari aage barhe magar siwaye engine ki awaz ke kuch nahi hota - aur phir aik dum ghup andhera cha jaata hai - na koi awaz na kuch - bus qabar ki gharioN se ameeq khamosh andhera. Aesi khamoshi jis main sab kuch tham giya ho. Na to gaari ulatti hai aur na kuch sujhai deta hai - bus aik kaali raat se ziyada kaala andhera. Main kehta hun "Oh, God!" aur haat aage barha ke gaari ke ignition ko tatol ke chabi ghumata hun. Gaari chal parhti hai aur andhera gaaib ho jaata hai!

Us andhere ki dhashat is qadar thi ke main aadhi raat ko uth betha.

Subah uth ke apne Allah se phir muaafi maangi. Dil ko qarar tha ke - Rab bara karim hai. Socha bus ab 'van-vaas' lo aur chale chalo.

In the evening I went to a Chinese restaurant- and let me tell you I have superstition of believing in fortune cookies. Strangely after food they didn't bring my fortune cookie which I always look for. I asked for it. Waitress smiled and brought my fortune cookie. It said: "Don't forget, you are always on our minds"!

Jub tuk poori tarah toba na ker lun ye saale mere Munkir Nakir meri jaan nahi chorain ge!

Woh 2 Khawab

(A true incident from my life when one fine morning we exchanged our dreams. It took a while for me to connect the dots - and without any exaggeration).

Tum mujh se aksar poochti ho na ke: "kiya yeh sach hai ke insaanoN ko sachhe khawab aate hain?"

Tumhe yaad hai us raat tum aur main akele the. Hame koi nahi dekh raha tha siwaye hamare apne rab ke. Main azal ka - zaat ka - kamina kambakht mara - tumhare saath hum-bistar hona chahta tha. Tumhare dil main bhi shewani (lustful) khawishoN ka aik samandar thaaiN thaaiN maar raha tha. Hum dono ko rokne wala koi nahi tha magar tum ne apne Allah ko yaad kiya aur mujhe dusre kamre main bhej diya. Kiya us raat tumhe ye khawab nahi aaya tha ke tum Hajj ki saadat ko ja rahi ho aur apna hijab dhundh rahi ho? Tumhare amal ka tumhare Allah ki taraf se ye jawab tha. Tum ne khud ko zina se roka aur apne Allah ke hadood ki paasdari ki to us ne ghar bethe Calgary ki sard raatoN main tumhe Hajj ke sawab ata ker diya!

Mera rab bara karim hai - woh apne bande ka koi amal jane nahi deta.
 
Aur usi raat yaad hai tumhe mera khawab!
 
"Main aik lambi kaali motor main sawar ho ker kisi taqreeb main paunchta hun. Wahan meri gaari ka darwaza khol ker mujeh nokar chakar 'red carpet welcome' dete hain (that red carpet is shaped like human vagina!). Magar mere dil main aik ajeeb khauf hai. Andar paunch ke pata lagta hai ke ye meri hi aakhri rasoomat ki taqreeb hai" - Is khawab se meri aankh khul gai thi. Ye mere Allah ki mujeh meri niyyat ki tambeeh thi magar mujh na-aqal main kub itni samjh thi ke ye sab samjh pata.
 
Tumhari duaoN mai bara asar hoga. Ab jub tum namaz ke liye betho to meri bhi magfirat maang lena!

Dur kitni hai abhi subah

Part of one of my fav. Faiz' poetry (with loose translation)

Ho na ho apne qabile ka bhi koi lashkar
muntazir hoga andheron ki faseelon ke udhar
unko sholoN ke rajz apna pata to dain ge
kher hum tuk na pauncheN bhi, sada to dain ge
dur kitni hai abhi subah bata to dain ge


If no one but at least one army of our tribe
would be waiting on other side of walls of darkness (for us)
we will send them message by (making) noisy flames
they may not be able to reach but will call us
how far is dawn (for sure they) will tell us

Nightmare

Is baar bhi jub meri aankh, us khawab se khuli to mera poora badan paseene se sharabor tha.

Ye khawab main ne jub se hosh sambhala mujhe aksar aata hai, jis main aik khunkhuwar, gali ka mela kutta (stray wild dog) - jis ke badan pe kaale kaale daag hain meri taraf dekh ke bhonkta rehta hai. Jub bhi ye khawab aata hai, uske kuch hi dinoN main koi na-khushgawar hadsa zaroor ronuma hota hai.

Ab ki baar ye khawab thora mukhtaleef tha. Is baar us khunkhuwar kutte ne bhonkte huwe mere chehre ki taraf chalang lagaii - phir hosh nahi raha ke kiya huwa!

Aankh khuli to tez bukhar se badan garam tha, poora bister tar tha, dharkanaiN tez thi aur aik anjaane khauf ne poore kamre ko apni girafat main lapet rakkha tha!

Woh aik khawab !

Aaj subah kagaz pe taarikh daalte mera haat 2 seconds ke liye ruk gaya. Aaj july ki 11 tarikh hai. Is din mujhe Ahsan Ali bohat yaad aata hai. Ahsan Ali mere liye sage bhaion ki tarah tha.

Ab yaad nahi ke kiun ye taarikh hamare beech aik bandhan bun gai - shayed ye woh taarikh thi jub main ne residency ke bad Chicago chora aur Ahsan Ali mujh se aakhri baar mila. Aahista aahista hamara taaluq kum hota gaya magar har saal is taarikh ko uska voicemail pe aik chota sa message zaroor hota ke: " Aese hi phone kia tha, call me if you get time". Aur call back na kerne ka jo ranj mujhe saari zindagi rahe ga us ka zikar pehle (here) ker chuka hun.

Uski maut se koi darh saal pehle ki baat hai. Mujhe khawab (dream) aaya ke main pareshani ke alam main 'dizzy' ho ke girne wale Ahsan Ali ko, us ke ghar se ghasit ke nikalta hun aur deewar se laga ker, pehle bahen ki aur phir ma ki gali de ker kehta hun ke - "agar tu ne talaq nahi li to is gum ko le ker do saal main hi mar jaaye ga". Ahsan Ali ko galion se shadeed nafrat thi aur use koi baat zabardasti samjhani ho to hi main mun se gaali nikalta tha. Pehle din mujhe khayal aaya ke Ahsan Ali ko phone karun. Mujhe Ahsan ali ki 'azwaji nachakion' (Marital problems) ka koi ilm nahi tha. Phir main ne ise sirf aik 'dream' samjh ke jaane diya. Aur Ahsan Ali sach much 2 saal ke andar Allah ko piyara ho gaya. Inna lillahi wa inna ilahi rajeun !

Bandhan ki manfi tapish ("Relatioship's negative energy" ) bohut barh jaaye to uski jhankar dur tuk jati hai aur aksar bandhe insaanon ki jaan bhi le leti hai.

Kubhi khayal aata hai - kiun us se koi baat nahi ki phir sochta hun agar ye waqiah aaj hota to main kiya kerta? Shayed wahi kerta jo tub kiya tha. Aadmi kese kisi se keh de ke talaq le le, woh bhi sirf aik khawab ki bunyad pe? Ashfaq Ahmad Ka kehna hai ke keh dene wali sharmindagi, us ahsase nadamat (guilt) se behtar hai jo saari zindagi saath rehti hai. Baqol Munir Niazi

madad kerni ho us ki, yaar ki dharas bandhana ho
bahut derena raston pe kisi se milne jaana ho

kisi ko maut se pehle, kisi gum se bachana ho
Hamesah der ker deta hun main , hur kaam kerne main

Dreams - 2

When I was writing 3 properties of Dreams in last post, I had one other thing in my mind, which I skipped as it get bestow to only few blessed people. I strongly believe that Dreams keep man connected to spiritual world. Few blessed find elevated souls in their dreams to guide them and few stupid like me, don't get message pass.

"Modern days" main kum-az-kum 2 aadmi aese hain, jin pe mera yaqeen hai ke woh jhoot nahi likh sakhte, aur un dono ko khawab main rasul-e-akram (prophet Mohammad) ka deedar huwa.

1. 'Josh' maleeh Abadi ne apni kitab "yadon ki barat" main apne is waqiye ko qalamband kiya hai, aur

2. Qudratullah Shahab ne apni kitab "shahab-nama" main apna waqiya likha hai.

Mera 2 khawab aese hain jin main 2 buzurg hastian nazar aain magar na to main unko pehchan saka aur na ye maalum ho saka ke mujh jese gunahgar ke khawab main aa ker unhon ne apne qimti waqt ko barbad kerna kiun munasib samjha !

Aik khawab mere liye is qadar private hai ke, main blog pe us ka zikar nahi kerna chahta. Dusra khawab 1995 ke Haj season ke dauran huwa. Aik buzurg tilmilati dhoop ke neeche bethe the aur unhon ne mujh se kaha "sad-afsos is baras kisi ne bhi haj nahi kiya".

Allah jane woh do ba-resh buzurg kaun the. Kaash meri is qadar ruhani bisat hoti ke un ko pehchan hi pata !

Godfather

Listen, son!

If I am not there to help you to climb the difficult stairs of life, another Godfather- a lookalike of Jesus - fair, tall, and with long hair - would be there to hold your hand !!

*

Aehsas!

Jab us ne apne haaton se meri unglion ko dabaya aur jub jharne ki tarah us ki hasi saare kamre main bikhri, tub woh mujh se kahiN hazaroN meel dur thi!!

Time Machine

I asked her: "Are you married?"

She replied: "I was married in 2024 but returned in 2004 to fix some of my mistakes" !!!!