Hamare aik rishte ke mamu hain - Ramzu (Ramzan) mamu. (Ye purani post, Aaj Jumma hai, se dusre wale mamu hain) . Ramzu mamu bachpun hi se ghar chor bhage. Street smart the. Khub daulat kamai. Ab unki umer koi 60 ke aas paas hogi. Koi 4 baras pehle un ki begum breast cancer se faut ho gain. Bachhe bare ho ker apni zindagi guzar rahe hain. Ramzu Mamu ke paas daulat ki kami nahi. Peshawar se 20 baras ki larki biha ker america laye.
Ab mere aur mere cousin ki guftago suniya:
Me; "yaar ye paisa bari kaam ki cheez hai"
Cousin: "Bus paise ka hi khel hai. lurki gharib thi. Bohut saare bhai bahen the. Us ne financial security dekhi, shadi ker li"
Me: "Bohut si aurtain financial security ke liye shadi kerti hain. Us ne kiya bura kiya"
Cousin: "I think, to marry for financial security, is just a civilized form of prostitution" !
Saturday, February 16, 2008
Friday, February 15, 2008
Bud-Dua
Agar aap ko kuch dinon pehle, sir aleem ke hawale se sukh dukh wali post yaad ho (here) to wahi bahes 2 mahine pehle, Karachi ke aik chai khane pe hum doston main chalti rahi. Jo dost muttafiq nahi the un me se aik Akram tha. Akram mere saath medical school main raha. Phir wahin kisi sarkari hospital main 10/12 baras se kaam ker raha hai aur saath saath sham main aik private dispensary chalata hai.
Main wapas USA aa gaya. Abhi aik hafta pehle Akram se phone pe baat hui to usne ooper wali sukh aur dukh ki bahes ka hawala diya. Aage ka haal Akram ki zabani suniye:
"Mere bikul paros main peechle kai barson se aik khandan abad hai. Un ki aik jawan lurki hai. Main saare zamane se ye kehta phirta tha ke ye meri mun boli bahen hai magar meri niyyat kharab thi. Lurki se mere aahista aahista na-jaaiz taaluqat qaim ho gaye. Lurki bhi jawan thi, usko bhi maza lug gaya. Jub moqa milta, hum don apne kaam main lug jaate. Aik taraf to main bare tharre se zana kerta rehta aur dusri taraf lurki ki ma ko ye yaqeen dilata rehta ke ye to meri choti bahen ki tarah hai. Ye 27 december ki baat hai. Main aur woh lurki "ain urooje wisal ke aalam" main the ke lurki ki amma ne pakar liya. Woh beechari kiya kerti. Mujhe khub kosne diye. Bad-dua dete huwe boli: "Allah kare tera sab kuch barbad ho jaaye".
Is waqiye ke baad main ne mazeed shor sharabe se bachne ke liye foran kupre pehne, bahir nikla, car nikali aur apartment complex se bahir aa gaya. Main ne bare barson ki kamai se 2 hafte pehle nai gari kharidi thi. Abhi to insurance bhi nahi liya tha. Aur aaj hi bank se bohut saari raqam niklwai thi. Apna makan khareedne ki baat cheet chal rahi thi, woh cash maang rahe the. Bus samjho saari jama punji gari main thi. Sham ka waqt tha. Sarak pe aate hi andaza huwa ke koi garbar hai. Ye woh sham thi jub Benazir ka qatal huwa aur poore Pakistan main khun ki holi kheli gai. Yun to suna hai poore shahr se police gaib thi magar mere apartment ke bahir sarak pe police ki 3 mobile maujud thi. Jese hi main gari le ker zara aage gaya, aik traffic constable ne mujhe gari side pe kerne ko kaha. Saath hi police mobile khari thi. Main gari se utar ker bahir aaya. Police wale ne mere ulte kaandhe pe ooper ungli rukh ke dabani shuru ki. Pata nahi ye kesa dao tha, mujhe gasshi ai aur main behosh ho gaya. Shayed meri carotid ko dabaya gaya. Aankh khuli to meri car simat police wagera sab gaib the aur charon taraf aag aur dhuwain ke badal the".
Meri 10 baras ki saari kamai lut gai. Main zaani(adulterous) zaroor tha magar kubhi haram paisa nahi khaya. Medicine bhi imandari se practice kerta tha is liye ziyada daulat nahi kamai. Magar shayed tumhari baat sach thi. Amma ki bad-dua lug gai ke mera sab kuch barbad ho gaya !
Main wapas USA aa gaya. Abhi aik hafta pehle Akram se phone pe baat hui to usne ooper wali sukh aur dukh ki bahes ka hawala diya. Aage ka haal Akram ki zabani suniye:
"Mere bikul paros main peechle kai barson se aik khandan abad hai. Un ki aik jawan lurki hai. Main saare zamane se ye kehta phirta tha ke ye meri mun boli bahen hai magar meri niyyat kharab thi. Lurki se mere aahista aahista na-jaaiz taaluqat qaim ho gaye. Lurki bhi jawan thi, usko bhi maza lug gaya. Jub moqa milta, hum don apne kaam main lug jaate. Aik taraf to main bare tharre se zana kerta rehta aur dusri taraf lurki ki ma ko ye yaqeen dilata rehta ke ye to meri choti bahen ki tarah hai. Ye 27 december ki baat hai. Main aur woh lurki "ain urooje wisal ke aalam" main the ke lurki ki amma ne pakar liya. Woh beechari kiya kerti. Mujhe khub kosne diye. Bad-dua dete huwe boli: "Allah kare tera sab kuch barbad ho jaaye".
Is waqiye ke baad main ne mazeed shor sharabe se bachne ke liye foran kupre pehne, bahir nikla, car nikali aur apartment complex se bahir aa gaya. Main ne bare barson ki kamai se 2 hafte pehle nai gari kharidi thi. Abhi to insurance bhi nahi liya tha. Aur aaj hi bank se bohut saari raqam niklwai thi. Apna makan khareedne ki baat cheet chal rahi thi, woh cash maang rahe the. Bus samjho saari jama punji gari main thi. Sham ka waqt tha. Sarak pe aate hi andaza huwa ke koi garbar hai. Ye woh sham thi jub Benazir ka qatal huwa aur poore Pakistan main khun ki holi kheli gai. Yun to suna hai poore shahr se police gaib thi magar mere apartment ke bahir sarak pe police ki 3 mobile maujud thi. Jese hi main gari le ker zara aage gaya, aik traffic constable ne mujhe gari side pe kerne ko kaha. Saath hi police mobile khari thi. Main gari se utar ker bahir aaya. Police wale ne mere ulte kaandhe pe ooper ungli rukh ke dabani shuru ki. Pata nahi ye kesa dao tha, mujhe gasshi ai aur main behosh ho gaya. Shayed meri carotid ko dabaya gaya. Aankh khuli to meri car simat police wagera sab gaib the aur charon taraf aag aur dhuwain ke badal the".
Meri 10 baras ki saari kamai lut gai. Main zaani(adulterous) zaroor tha magar kubhi haram paisa nahi khaya. Medicine bhi imandari se practice kerta tha is liye ziyada daulat nahi kamai. Magar shayed tumhari baat sach thi. Amma ki bad-dua lug gai ke mera sab kuch barbad ho gaya !
Wednesday, February 13, 2008
"Ye mard bilkul kutte ki tarah hota hai"
Meri aik cousin hai arifa. Ab ki baar main Pakistan gaya to Arifa aur us ka shohar mujhe dinner pe ley gaye. Main ne mehsus kiya, arifa ka shohar hur cheez apni biwi se pooch pooch ker kerta hai. Arifa se mere taaluqat shuru se doston wale rahe. Hum ne Banu Qudsia ki 'Raja Gidh' saath parhi aur samjhi, faraq itna tha ke tub meri umer 27 baras aur us ki umer sirf 14 baras thi (ye baat is liye likhi taake aap ko us ki IQ ka andaza ho jaye) !
Jub Restaurant main Arifa ka Shohar restroom gaya to main ne arifa se kaha: "Do bachhe hone ke baad bhi shohar tumhari muthi main band hai. Kiya taaweez kerti ho?" . Uska jawab sun ke kuch der ke liye mere hosh ur gaye. Us ne kaha: "Ye mard bilkul kutte ki tarah hota hai. Jub tuk is ko khana (food) aur sex waqt se pehle milta rahe is ki dum hilti rehti hai werna pagal hoke aap hi ko katne dorta hai. Bus yahi 2 taweez kerti hun" !!
Mard ki, is se achhi taarif main ne nahi suni !!!
Jub Restaurant main Arifa ka Shohar restroom gaya to main ne arifa se kaha: "Do bachhe hone ke baad bhi shohar tumhari muthi main band hai. Kiya taaweez kerti ho?" . Uska jawab sun ke kuch der ke liye mere hosh ur gaye. Us ne kaha: "Ye mard bilkul kutte ki tarah hota hai. Jub tuk is ko khana (food) aur sex waqt se pehle milta rahe is ki dum hilti rehti hai werna pagal hoke aap hi ko katne dorta hai. Bus yahi 2 taweez kerti hun" !!
Mard ki, is se achhi taarif main ne nahi suni !!!
Tuesday, February 12, 2008
Dus Kahaniyan
Do char din pehle main ne puranmaasi ki jo post likhi thi us ke continuation main, film "Dus Kahaniyan" pe ye post hai.
This movie is an experiment but what I found unique is the short quick version of basic themes in the form of 10 minutes story. All stories are related to human relationship.
Matrimony - Aksar relationship main husband ya wife ye sochte hain ke hamare spouse ke liye hamare paas time nahi. This lack of communication may push one to cheat and to find love somewhere else. But before you cross that line - think - your partner may be going on the same path !!
High On the Highway - Agar kubhi insan ke saath aesa waqiya ho jaaye ke woh apne 'loved one' ki hifazat na ker paaye to ye chot insan ko kubhi kubhi aese depression main dhakel deti hai ke khud -kushi se hi nijat milti hai ! Mohabbat ki aik dark ally.
Puranmaasi - As annonymous in previous post nicely explained in comments "in our society and culture the actions/lives of each member is attached to the other...kachaye dhagaye"
Zahir - Insan jese nazar aate hain us se kai ziyada dukhi hote hain aur agar koi aap ko apne qareeb aane se rokta hai to shayed woh aap ka bhala chahta hai.
Strangers in the Night - Kubhi kubhi sirf insani rishte ko bachane ke liye galeez tareen rah apnani parti hai.
Lovedale - Aksar qudrat hame ishare deti hai ke kise apna jeewan sathi chunain aur kise nahi - if we understand !
Sex On The Beach - Lust ka bhoot agar insan pe char jaaye to jaan le ker hi chorta hai !
Rice Plate - Kubhi kubhi insan ki 'too much religiosity' use aam insani rishton se andha ker deti hai.
Gubbare - Aik mian biwi ki 35 years ki 'married life' ki kahani ke roz roz ki larai ke bawjud kese mohabbat qaim rehti hai, agar aik dusre ko manane ka saliqa maujud ho. Aur kubhi kubhi zara si choti larai zindagi bhar ka dukh de jaati hai.
Rise and Fall - Bachpun ki dosti aik aesa bandhan hai jo bahek to sakta hai magar kubhi toot nahi sakta !
This movie is an experiment but what I found unique is the short quick version of basic themes in the form of 10 minutes story. All stories are related to human relationship.
Matrimony - Aksar relationship main husband ya wife ye sochte hain ke hamare spouse ke liye hamare paas time nahi. This lack of communication may push one to cheat and to find love somewhere else. But before you cross that line - think - your partner may be going on the same path !!
High On the Highway - Agar kubhi insan ke saath aesa waqiya ho jaaye ke woh apne 'loved one' ki hifazat na ker paaye to ye chot insan ko kubhi kubhi aese depression main dhakel deti hai ke khud -kushi se hi nijat milti hai ! Mohabbat ki aik dark ally.
Puranmaasi - As annonymous in previous post nicely explained in comments "in our society and culture the actions/lives of each member is attached to the other...kachaye dhagaye"
Zahir - Insan jese nazar aate hain us se kai ziyada dukhi hote hain aur agar koi aap ko apne qareeb aane se rokta hai to shayed woh aap ka bhala chahta hai.
Strangers in the Night - Kubhi kubhi sirf insani rishte ko bachane ke liye galeez tareen rah apnani parti hai.
Lovedale - Aksar qudrat hame ishare deti hai ke kise apna jeewan sathi chunain aur kise nahi - if we understand !
Sex On The Beach - Lust ka bhoot agar insan pe char jaaye to jaan le ker hi chorta hai !
Rice Plate - Kubhi kubhi insan ki 'too much religiosity' use aam insani rishton se andha ker deti hai.
Gubbare - Aik mian biwi ki 35 years ki 'married life' ki kahani ke roz roz ki larai ke bawjud kese mohabbat qaim rehti hai, agar aik dusre ko manane ka saliqa maujud ho. Aur kubhi kubhi zara si choti larai zindagi bhar ka dukh de jaati hai.
Rise and Fall - Bachpun ki dosti aik aesa bandhan hai jo bahek to sakta hai magar kubhi toot nahi sakta !
Sunday, February 10, 2008
Trust
"Kamil Kaplan faced a horrifying decision as flames engulfed his apartment building: Does he drop his 9-month-old nephew four stories to a policeman or hope the baby boy survives the suffocating smoke? Kaplan chose to drop the boy, Onur Celar -- a dramatic life-saving moment captured in photographs seen around the world.....""I took the child from my sister, the mother," he said. "She and the father were screaming: 'Don't do it! Don't do it!' But I didn't listen." He added, "I looked into the eyes of the policeman below, and I knew I could trust him."
Read full story here: Uncle who dropped boy to save him
What you would do if face with such decision?
Read full story here: Uncle who dropped boy to save him
What you would do if face with such decision?
Saturday, February 09, 2008
Puranmaasi
Bohut arse baad mera khyal hai urdu/hindi literature main aik inthai 'gut wrenching' kahani likhi gai hai. Ye kahani rajinder singh bedi, krishan chandar, ismat chugtai aur Minto ke zamane ke likhe gaye literature ki yaad taaza ker deti hai.
It is from Meghna Gulzar. It is # 3 story in recent Bollywood flick "Dus Kahaniyan" (a collection of 10 stories based on various aspects of human relationship).
Story is based in a small village of indian punjab. This is the story of a man and a woman who couldn't get married due to cultural or whatever reason but remained in love. He promised to wait for her on every full moon night (Puranmaasi night). And one Puranmaasi night she decides to meet her love in the fields but the consequenses following morning are just gut wrenching !
Puran means poora hona, maasi means mahina. Its the completion of a month on full moon according to an ancient indian calendar.
It is from Meghna Gulzar. It is # 3 story in recent Bollywood flick "Dus Kahaniyan" (a collection of 10 stories based on various aspects of human relationship).
Story is based in a small village of indian punjab. This is the story of a man and a woman who couldn't get married due to cultural or whatever reason but remained in love. He promised to wait for her on every full moon night (Puranmaasi night). And one Puranmaasi night she decides to meet her love in the fields but the consequenses following morning are just gut wrenching !
Puran means poora hona, maasi means mahina. Its the completion of a month on full moon according to an ancient indian calendar.
Thursday, February 07, 2008
Naushad
Is post ko A R Rehman pe likhi gai peechli post ka tasalsul hi samjh lijye. Woh post likhne ka mera maqsad ye bayan kerna tha ke aksar buzurgon ki dua insan ke kaam ker jaati hai.
Aaj ki Bollywood ki music ka "Mughal-e-Azam", musiqar Naushad ko kehte hain. Naushad ka ye waqiya A R Rehman ki post likhte zahen main aa raha tha, to socha likhta chalun.
Naushad ko musiqar banne ka shoq 16 baras ki umer main Bombay le aaya. Ye 1935 - 1940 ke darmiyan ka zamana tha. Naushad ne film industry ke kai dhakke khaye magar koi 'chance' nahi mila. Saari jama punji khatam hone lagi. Nobat footpath pe sone ki aa gai.
Aik roz isi gurbat main aik faqeer ne Naushad se kaha: "khana khila de baba". Naushad ne use apne saath roadside hotel pe khana khilane bitha liya. Khane ke baad baba ne poocha: "Bol kiya mangta hai". Nashuad ne kaha"Baba dua karo mujhe filmon main chance mil jaaye". Baba ne kaha: "Ja bachha tuje hindustan ka sab se bara musiqar bana diya". Allah jane us baba ki dua lagi ya nahi magar Naushad beshaq hindustan ki bollwood ka "Mughal-e-Azam of music" qarar paya jisne Jadoo, Beiju Bawra, Mother India, Mughle Azam aur Pakeezah jesi filmon ki lazawal musiqi tarteeb di !
Aaj ki Bollywood ki music ka "Mughal-e-Azam", musiqar Naushad ko kehte hain. Naushad ka ye waqiya A R Rehman ki post likhte zahen main aa raha tha, to socha likhta chalun.
Naushad ko musiqar banne ka shoq 16 baras ki umer main Bombay le aaya. Ye 1935 - 1940 ke darmiyan ka zamana tha. Naushad ne film industry ke kai dhakke khaye magar koi 'chance' nahi mila. Saari jama punji khatam hone lagi. Nobat footpath pe sone ki aa gai.
Aik roz isi gurbat main aik faqeer ne Naushad se kaha: "khana khila de baba". Naushad ne use apne saath roadside hotel pe khana khilane bitha liya. Khane ke baad baba ne poocha: "Bol kiya mangta hai". Nashuad ne kaha"Baba dua karo mujhe filmon main chance mil jaaye". Baba ne kaha: "Ja bachha tuje hindustan ka sab se bara musiqar bana diya". Allah jane us baba ki dua lagi ya nahi magar Naushad beshaq hindustan ki bollwood ka "Mughal-e-Azam of music" qarar paya jisne Jadoo, Beiju Bawra, Mother India, Mughle Azam aur Pakeezah jesi filmon ki lazawal musiqi tarteeb di !
Wednesday, February 06, 2008
Allah Rakha Rehman
Ye peechle saal 2007 ki baat hai. Main Houston gaya huwa tha. Jumme ka din tha. Mere dost ne kaha, aao jumme ki namaz parh aate hain. Hum wahan ki al farooq nami aik masjid main paunche. Namaz ke dauran bhi main ne us shaks ko dekha jis ne bare khasu-o-khazu se namaz ada ki. Phir masjid ke bahir lage aik stall se samose khareede, jeb se rumal nikal ker zameen pe betha, samose khaye aur wahin glass se sand pe haath dhoya. Ab jaake logon ne pechana ke ye naujawan koi aur nahi bulke India ka mashur musician A R Rehman hai. Log us ke gird jama hona shuru huwe to us ne autograph dene se ye keh ker maazrat ker li ke yahan main sirf apne allah ka aik banda hun, please mujhe yahan is se muaf rakhain. Kuch der baad A R rehman aik dost ki gari main beth ker wahan se chal diya.
A R rehman ka pura naam Allah Rakha Rehman hai. Itne mashur aadmi ka itna purana naam ! Aaye dekhte hain, is shaks ne apna naam Allah Rakha Rehman kiun rakha.
A R rehman ka asli naam Dilip Kumar tha. Dilip ki umer sirf 9 baras thi ke walid ka intiqal ho gaya aur gurbat ne ghar dekh liya. Dilip ko musiqi ka shoq baap se werse main mila magar halat ab badal chuke the. Pehli naukri, sirf 50 rupe ki, 12 baras ki umer main aik studio main shuru ki. 16 baras ki umer main parhai chut gai. Jub Dilip ki umer 22 baras hui to us ki aik bahen shadeed bimar ho gai. Kai doctors ko dikhaya magar halat bigarti hi chali gai. Hur jaga se mayoosi hui to unhon ne aik muslaman wali, Pir Karimulla Shah Qadri se dua ki darkhwast ki. Unki Dua qabool hui aur Dilip ki bahen ko nai zindagi mil gai. Sara Gharana musalman ho gaya. Dilip ne apne liye bhi dua ki istada ki. Ye Dua bhi qabul hui aur aaj A R Rehman India ka sab se bara musician hai. Pir Qadri ne hi Dilip ka musalman naam Allah Rakha Rehman rukha. Kehte hain unhon ne A R REhman ko naseehat ki ke jub music compose karo isha ki namaz parh ker dua maang ke karo. A R Rehman sirf raat ko music compose kerta hai !!
Allah ne na sirf A R Rehman ko music compose kerne ka hunar diya bulke bari achhi awaz bhi di hai. Jub film 'dil se' bani to kehte hain, har koi ye gana (dil se) gane se jub bebas huwa to A R Rehman ne khud gaya aur aesa gaya ke sunte hi dilon main utar gaya. (Despite being malyalam speaking he sang it like a native urdu person).
Aik din meri gaari main, aik gore dost ne ye gana suna to kaha: "Whoever made this song is certainly not an ordinary man" ! Aur main ne jawab diya: "Indeed he is not an ordinary man. He is gifted and protected by God. His name is Allah Rakha Rehman".
Izzat, daulat, shaurat allah ka inam hai jise chahe be-hisab de !
A R rehman ka pura naam Allah Rakha Rehman hai. Itne mashur aadmi ka itna purana naam ! Aaye dekhte hain, is shaks ne apna naam Allah Rakha Rehman kiun rakha.
A R rehman ka asli naam Dilip Kumar tha. Dilip ki umer sirf 9 baras thi ke walid ka intiqal ho gaya aur gurbat ne ghar dekh liya. Dilip ko musiqi ka shoq baap se werse main mila magar halat ab badal chuke the. Pehli naukri, sirf 50 rupe ki, 12 baras ki umer main aik studio main shuru ki. 16 baras ki umer main parhai chut gai. Jub Dilip ki umer 22 baras hui to us ki aik bahen shadeed bimar ho gai. Kai doctors ko dikhaya magar halat bigarti hi chali gai. Hur jaga se mayoosi hui to unhon ne aik muslaman wali, Pir Karimulla Shah Qadri se dua ki darkhwast ki. Unki Dua qabool hui aur Dilip ki bahen ko nai zindagi mil gai. Sara Gharana musalman ho gaya. Dilip ne apne liye bhi dua ki istada ki. Ye Dua bhi qabul hui aur aaj A R Rehman India ka sab se bara musician hai. Pir Qadri ne hi Dilip ka musalman naam Allah Rakha Rehman rukha. Kehte hain unhon ne A R REhman ko naseehat ki ke jub music compose karo isha ki namaz parh ker dua maang ke karo. A R Rehman sirf raat ko music compose kerta hai !!
Allah ne na sirf A R Rehman ko music compose kerne ka hunar diya bulke bari achhi awaz bhi di hai. Jub film 'dil se' bani to kehte hain, har koi ye gana (dil se) gane se jub bebas huwa to A R Rehman ne khud gaya aur aesa gaya ke sunte hi dilon main utar gaya. (Despite being malyalam speaking he sang it like a native urdu person).
Aik din meri gaari main, aik gore dost ne ye gana suna to kaha: "Whoever made this song is certainly not an ordinary man" ! Aur main ne jawab diya: "Indeed he is not an ordinary man. He is gifted and protected by God. His name is Allah Rakha Rehman".
Izzat, daulat, shaurat allah ka inam hai jise chahe be-hisab de !
Monday, February 04, 2008
Happy Birthday !
Duniya main kisi 'loved one' ko ye aehsas dilane ke liye ke aap us ka khayal rakhte hain - ka sab se asan aur ahsan tariqa ye hai ke aap us ki salgirah ke din ko yaad rakhain. Jinhe achhe doston ki salgirah ka din yaad na rahe un se dost kho jaate hain aur woh bare badnaseeb hote hain.
Baqol Hazrat Ali: "Badnaseeb hai woh shaks jise dost na mile, aur us se bhi ziyada badnaseeb hai woh shaks jo achhe doston ko kho de" !
Baqol Hazrat Ali: "Badnaseeb hai woh shaks jise dost na mile, aur us se bhi ziyada badnaseeb hai woh shaks jo achhe doston ko kho de" !
Sunday, February 03, 2008
Manorama
Agar aap ko "art", "non-commercial" ya "aam dagar se hat ke" films dekhne ka shoq hai to India main banne wali aik nai film Manorama (say like manor-ma)zaroor dekhiye.
Ye aik 'murder mystery hai', jis ke tane bane aahista aahista uljhate jaate hain. Ye aik aesi film hai jo aahista aahista aap ko apni girafat main le leti hai aur aakhir tuk ye janna mushkil hota hai ke "what's the actual plot?". As per my one friend - there is no BS in this movie !!!
This is director Navdeep singh's first feature film. He studied filmmaking at art school in california and it appears that he learned good stuff there. Enjoy !
Ye aik 'murder mystery hai', jis ke tane bane aahista aahista uljhate jaate hain. Ye aik aesi film hai jo aahista aahista aap ko apni girafat main le leti hai aur aakhir tuk ye janna mushkil hota hai ke "what's the actual plot?". As per my one friend - there is no BS in this movie !!!
This is director Navdeep singh's first feature film. He studied filmmaking at art school in california and it appears that he learned good stuff there. Enjoy !
Saturday, February 02, 2008
Thursday, January 31, 2008
Zehni dabao !
Meri zindagi main bohut hi aese kum mauqe (occasions) aaye honge jub main apni bisat se ziyada roya. Aik to jub abbu faut huwe aur aik jub Zia shahab ki betion, Uzma aur Neeha ki maut hui.
Zia shahab ka makan shayed hamare mohalle ka wahid 3 manzila makan tha. Makan kiya tha puri kothi thi. Kafi arse to woh makan band raha magar phir zia shahab wahan rehne aaye. Raat ko unke dalan aur bageeche main bare bare barqi qumqume roshan hote to poora mohalla jagmage uthta. Zia shahab ke 4 bachhe the. 3 bari betiyan uzma, rafat aur neeha aur sub se chota beta asghar. Uzma aur neeha zehni tor per kamzor thin (mentally challenged). Asghar ko main tution parhaya kerta tha. Zia shahab ko kitabon ka shoq tha, yun hamari aur zia shahab ki khub dosti ho gai. Kuch hi mahinon main main Zia shahab ke ghar ke fard ki tarah ho gaya, khas tor per Uzma aur asghar mere bohut qareeb aa gaye. Zia shahab aksar kehte, ab mee 4 nahi 5 bachhe hain. Aur Asghar aur Uzma ko to jese bara bhai mil gaya. Mujhe bhi un se bohut apnaiyat ka aehsas hota. Main jub bhi bazar ke liye nikalta, asghar ko saath le lete.
Zia shahab ki begum bimar rehti thin. Bimari kiya thi bus shadeed depression tha. Ghar main 2 zehni maazor bachion ka dukh hi hune bistar se lagane dene ke liye kafi tha.
Is waqiye se pehle hame sirf itna ilm huwa ke rafat ke 2 achhe rishte uzma aur neeha ki zehni maazuri ki wajah se thukra diya gaye aur is baat ne Zia shahab ki biwi ko aur karwa kasila bana diya. Ya to bachhion pe cheekhti chillati rehtin ya phir har waqt roti rehtin.
"Uz roz" Sham dhalne ko thi. Main Zia shahab ke makan main daakhil hi huwa tha ke darwaze pe asghar pe nazar pari. Woh khara kaanp raha tha aur zor zor se cheekhain mar raha tha. Main ne poocha kiya huwa to usne saamne ishara kiya. Uzma zameen pe behosh pari thi aur sir se khun beh raha tha aur mere saamne usi waqt uper se neeha aa ker giri !
Zia Shahab ki begum ne dono bachhion ko teesri manzil se dhakka de diya !! Main ne sirf neeha ka marna dekha magar 6 baras ke asghar ne shahyed dono behanon ki maut khud dekhi !
Awwal to mere ausan khata ho gaye. Meri umer bhi koi 24/25 baras hi rahi hogi. Kuch samjh na aaya. Chat ki taraf dekha to Zia shahab ki begum ki sirf jaati shakal nazar aai. Asghar ko sambhalun ke uzma neeha ko dekhun ya ghar ke andar ja ker Zia shahab ko khabar karun? Asghar ko main ne wahin chora. Uzma aur Neeha ki taraf bhaga. Dono pata nahi zinda bhi thin ya nahi.. Main ghar ke andar dora ke edhi walon ko phone karun, ambulance bulwaun.......
......aage ka haal sirf bayan hi hai.....
Uzma aur neeha hospital paunchne se pehle mar chuki thin. Police aur FIR ka bakhera bhi huwa. Zia shahab ne begum ko zehni mareezon ke hospital main daakhil kerwa diya. Main pehli baar 6 mahine america reh ker wapas pakistan pauncha to woh log kisi ko bataye bagair kahin aur chale gaye the . Woh imarat phir wiran ho gai.
Aaj itne barson baad bhi mujhe ye samjhna mushkil hai ke woh kiya zehni dabao aur blind spots hote hain ke log apni hi aulad ko jaan se maar dete hain.
Shayed aap ko Sameer ali uncle bhi yaad hon.
Zia shahab ka makan shayed hamare mohalle ka wahid 3 manzila makan tha. Makan kiya tha puri kothi thi. Kafi arse to woh makan band raha magar phir zia shahab wahan rehne aaye. Raat ko unke dalan aur bageeche main bare bare barqi qumqume roshan hote to poora mohalla jagmage uthta. Zia shahab ke 4 bachhe the. 3 bari betiyan uzma, rafat aur neeha aur sub se chota beta asghar. Uzma aur neeha zehni tor per kamzor thin (mentally challenged). Asghar ko main tution parhaya kerta tha. Zia shahab ko kitabon ka shoq tha, yun hamari aur zia shahab ki khub dosti ho gai. Kuch hi mahinon main main Zia shahab ke ghar ke fard ki tarah ho gaya, khas tor per Uzma aur asghar mere bohut qareeb aa gaye. Zia shahab aksar kehte, ab mee 4 nahi 5 bachhe hain. Aur Asghar aur Uzma ko to jese bara bhai mil gaya. Mujhe bhi un se bohut apnaiyat ka aehsas hota. Main jub bhi bazar ke liye nikalta, asghar ko saath le lete.
Zia shahab ki begum bimar rehti thin. Bimari kiya thi bus shadeed depression tha. Ghar main 2 zehni maazor bachion ka dukh hi hune bistar se lagane dene ke liye kafi tha.
Is waqiye se pehle hame sirf itna ilm huwa ke rafat ke 2 achhe rishte uzma aur neeha ki zehni maazuri ki wajah se thukra diya gaye aur is baat ne Zia shahab ki biwi ko aur karwa kasila bana diya. Ya to bachhion pe cheekhti chillati rehtin ya phir har waqt roti rehtin.
"Uz roz" Sham dhalne ko thi. Main Zia shahab ke makan main daakhil hi huwa tha ke darwaze pe asghar pe nazar pari. Woh khara kaanp raha tha aur zor zor se cheekhain mar raha tha. Main ne poocha kiya huwa to usne saamne ishara kiya. Uzma zameen pe behosh pari thi aur sir se khun beh raha tha aur mere saamne usi waqt uper se neeha aa ker giri !
Zia Shahab ki begum ne dono bachhion ko teesri manzil se dhakka de diya !! Main ne sirf neeha ka marna dekha magar 6 baras ke asghar ne shahyed dono behanon ki maut khud dekhi !
Awwal to mere ausan khata ho gaye. Meri umer bhi koi 24/25 baras hi rahi hogi. Kuch samjh na aaya. Chat ki taraf dekha to Zia shahab ki begum ki sirf jaati shakal nazar aai. Asghar ko sambhalun ke uzma neeha ko dekhun ya ghar ke andar ja ker Zia shahab ko khabar karun? Asghar ko main ne wahin chora. Uzma aur Neeha ki taraf bhaga. Dono pata nahi zinda bhi thin ya nahi.. Main ghar ke andar dora ke edhi walon ko phone karun, ambulance bulwaun.......
......aage ka haal sirf bayan hi hai.....
Uzma aur neeha hospital paunchne se pehle mar chuki thin. Police aur FIR ka bakhera bhi huwa. Zia shahab ne begum ko zehni mareezon ke hospital main daakhil kerwa diya. Main pehli baar 6 mahine america reh ker wapas pakistan pauncha to woh log kisi ko bataye bagair kahin aur chale gaye the . Woh imarat phir wiran ho gai.
Aaj itne barson baad bhi mujhe ye samjhna mushkil hai ke woh kiya zehni dabao aur blind spots hote hain ke log apni hi aulad ko jaan se maar dete hain.
Shayed aap ko Sameer ali uncle bhi yaad hon.
Wednesday, January 30, 2008
SUCK IT UP !
In life, we learn less from books but more from people.
Insan khuda ki sab se bari kitab hai !
Marilyn worked with me for about 2 years. She was a nurse. She was a single mom of 2 boys and always tight from money end but I never saw her upset or her worries interfering with her work. Actually, she was one of the most pleasant person around. Aese log jin ke liye dil kerta hai ke woh aap ke aas paas rahain.
One day Marilyn was late from work. She called ahead. Her Toyota's transmission failed. When she showed at work I said: "Should be covered with your warranty, right?". "No", She replied, "I bought it at 50 K miles so it was covered only for 30 days from dealer. Now I have to pay from my pocket and its a lot of money, atleast for me" .
I said: "Marilyn, you are amazing. How you just absorb all these shocks in life without having any expression on face but just with a smile". (mathe pe koi shikan nahi)
She said: "I do get upset for moments but you know many times in life we don't have choices. We have to deal with it. I just say 3 words to myself and I move on with my life. And those 3 words are - SUCK IT UP - "
Mujhe ye baat yaad reh gai. Mujhe bhi jub kisi aesi suratehaal ka saamna hota hai ke mera koi bas nahi chalta to main apne aap se kehta hun - SUCK IT UP - and I move on with my life"
Thanks Marilyn !
Insan khuda ki sab se bari kitab hai !
Marilyn worked with me for about 2 years. She was a nurse. She was a single mom of 2 boys and always tight from money end but I never saw her upset or her worries interfering with her work. Actually, she was one of the most pleasant person around. Aese log jin ke liye dil kerta hai ke woh aap ke aas paas rahain.
One day Marilyn was late from work. She called ahead. Her Toyota's transmission failed. When she showed at work I said: "Should be covered with your warranty, right?". "No", She replied, "I bought it at 50 K miles so it was covered only for 30 days from dealer. Now I have to pay from my pocket and its a lot of money, atleast for me" .
I said: "Marilyn, you are amazing. How you just absorb all these shocks in life without having any expression on face but just with a smile". (mathe pe koi shikan nahi)
She said: "I do get upset for moments but you know many times in life we don't have choices. We have to deal with it. I just say 3 words to myself and I move on with my life. And those 3 words are - SUCK IT UP - "
Mujhe ye baat yaad reh gai. Mujhe bhi jub kisi aesi suratehaal ka saamna hota hai ke mera koi bas nahi chalta to main apne aap se kehta hun - SUCK IT UP - and I move on with my life"
Thanks Marilyn !
Monday, January 28, 2008
Polybookamous
Aisha ne jo recent post likhi he: Aisha, the bookworm, us ko parh ker mujhe aik baat ka andaza huwa ke:
When it comes to gender, men are polygamous and women are monogamous (for which men always receive bashing from women)
But
When it comes to book, women are polybookamous and men are monobookamous (but men don't get jealous!)
I seldom see man reading 4/5 books simultaneously. I think men are more focused....lol.
When it comes to gender, men are polygamous and women are monogamous (for which men always receive bashing from women)
But
When it comes to book, women are polybookamous and men are monobookamous (but men don't get jealous!)
I seldom see man reading 4/5 books simultaneously. I think men are more focused....lol.
Sunday, January 27, 2008
Amma ki Dua
Jub main ne USA main nai nai residency shuru ki to meri mulaqat aik Pakistani doctor, Dr. Saima se hui thi. Us waqt woh aik university hospital main senior fellow thi. Uska taaluq Faisalabad se tha.
Kai barson baad achanak kuch dino pehle usse aik conference main phir mulaqat ho gai. Itne barson main Saima ne khub taraqqi ki aur ab apni university main aik residency program ki program director hai aur aik ivy league university main associate professor ki faculty position per hai.... In last 10 years, she is widely published and well known in her speciality.
Conference main coffee break ke doran main ne kaha: "Saima tum itni bari doctor bun jao gi, kum az kum mujhe yaqeen nahi tha" !
Saima ne jawab diya: "Sochti hun to yaqeen to mujhe bhi nahi aata magar kubhi kubhi lugta hai ye aik amma ki dua'on ka nateeja hai. Main Faisalabd ke District Head Quarter hospital main house job ker rahi thi. Lagta yahi tha ke shadi ho gi aur phir kahin baal bachon ke saath kisi choti si clinic main part time job karungi. Hamare hospital main aik 17 baras ki lurki TTP (Thrombotic thrombocytopenic purpura) ke saath admit hui. She was half dead. Hum uska dil-jamai se ilaj kerte rahe. Uski amma roz dua deti ke - 'Allah tumhe bohut bari dactar banaye' aur hum larkiyan hastin ke allah jaane ye 'bohut bari dactar' kesi hoti hogi. Phir qismat ne aesi chal chali ke ab tumhare saamne hun. Aaj bhi us amma ka chehra bohut yaad aata hai" !
Kai barson baad achanak kuch dino pehle usse aik conference main phir mulaqat ho gai. Itne barson main Saima ne khub taraqqi ki aur ab apni university main aik residency program ki program director hai aur aik ivy league university main associate professor ki faculty position per hai.... In last 10 years, she is widely published and well known in her speciality.
Conference main coffee break ke doran main ne kaha: "Saima tum itni bari doctor bun jao gi, kum az kum mujhe yaqeen nahi tha" !
Saima ne jawab diya: "Sochti hun to yaqeen to mujhe bhi nahi aata magar kubhi kubhi lugta hai ye aik amma ki dua'on ka nateeja hai. Main Faisalabd ke District Head Quarter hospital main house job ker rahi thi. Lagta yahi tha ke shadi ho gi aur phir kahin baal bachon ke saath kisi choti si clinic main part time job karungi. Hamare hospital main aik 17 baras ki lurki TTP (Thrombotic thrombocytopenic purpura) ke saath admit hui. She was half dead. Hum uska dil-jamai se ilaj kerte rahe. Uski amma roz dua deti ke - 'Allah tumhe bohut bari dactar banaye' aur hum larkiyan hastin ke allah jaane ye 'bohut bari dactar' kesi hoti hogi. Phir qismat ne aesi chal chali ke ab tumhare saamne hun. Aaj bhi us amma ka chehra bohut yaad aata hai" !
Friday, January 25, 2008
Sahara
Jub meri sare teen (3 1/2) baras ki bachhi meri ungli tham ker sirhiyan utar rahi thi to mujhe ye faraq kerna mushkil ho gaya ke kaun kis ka sahara hai !
Thursday, January 24, 2008
Long distance relationship
No Dear No ! long distance relationship doesn't work despite email, cell, SMS, chat and cam. Human relationship needs touch of humans !!
Wednesday, January 23, 2008
Tell me why !
Song from Declan Galbraith
In my dreams children sing
A song of love for every boy and girl
The sky is blue the fields are green
And laughter is the language of the world
Then I wake and all I see is a world full of people in need
Tell me why, does it have to be like this
Tell me why, is there something I have missed
Tell me why, I don't understand
When somebody needs somebody
We don't give a helping hand
Tell me why
Every day I ask myself what I have to do to be a man
Do I have to stand and fight
To prove to everybody who I am
Is that what my life is for
To waste in a world full of war
Tell me why, does it have to be like this
Tell me why, is there something I have missed
Tell me why, I don't understand
When somebody needs somebody We don't give a helping hand
Tell me why
Tell me why
Tell me why
Just tell me why
Why why, do the tiders run
Why why, do we shoot the gun
Why why, do we never learn
Can someone tell us why we cannot just be freinds
Why Why
Tuesday, January 22, 2008
Dil Dosti Etc.
India main haal hi main aik film bani hai 'Dil Dosti etc.' Is film ko dekhte huwe pehle aap ko ghin aaye gi magar is film ko dekhne ke liye 'z-axis ki soch' chahiye !
Ye film kahani hai aik aese naujawan ki jo 'values' ke saath is naye zamane main jina chahta hai. Ye 'iqdar' (values) aaj ke daur main 'middle class shit' kehlati hai. Ye naujawan college ka election jeet jata hai magar mohabbat ki jang har jaata hai. Ye kahani aik aese dusre naujawan ki hai jo 'lost' hai. Jo sex main mohabbat dhund raha hai. Ye kahani hai aik bigri lurki ki jo deceptive hai ! Ye kahani hai aik aesi dusri lurki ki, jo apne modelling career ki acknowledgment na milne pe bagawat pe utar aati hai. Ye kahani hai aik aesi ma (mother) ki jo apni beti se pareshan hai aur beti ki izzat ki fiqar main hai - magar saath hi aik aese baap ki jo khud apni beti ko swim suit pahenwa ker modelling kerwana chahta hai ! Ye kahani hai aik prostitute ki jis ko mohabbat ho jaati hai.
Ye kahani hai us 'confusion' ki jo hamare muashre main conservative aur liberal values ki 'new poutporri' se hui hai. Ye kahani hai hum sub ki !
Very nicely made song from movie dum laga dum laga
Ye film kahani hai aik aese naujawan ki jo 'values' ke saath is naye zamane main jina chahta hai. Ye 'iqdar' (values) aaj ke daur main 'middle class shit' kehlati hai. Ye naujawan college ka election jeet jata hai magar mohabbat ki jang har jaata hai. Ye kahani aik aese dusre naujawan ki hai jo 'lost' hai. Jo sex main mohabbat dhund raha hai. Ye kahani hai aik bigri lurki ki jo deceptive hai ! Ye kahani hai aik aesi dusri lurki ki, jo apne modelling career ki acknowledgment na milne pe bagawat pe utar aati hai. Ye kahani hai aik aesi ma (mother) ki jo apni beti se pareshan hai aur beti ki izzat ki fiqar main hai - magar saath hi aik aese baap ki jo khud apni beti ko swim suit pahenwa ker modelling kerwana chahta hai ! Ye kahani hai aik prostitute ki jis ko mohabbat ho jaati hai.
Ye kahani hai us 'confusion' ki jo hamare muashre main conservative aur liberal values ki 'new poutporri' se hui hai. Ye kahani hai hum sub ki !
Very nicely made song from movie dum laga dum laga
Saturday, January 19, 2008
Gurbat, Khuwaishat aur Pakistan !
Aaj jo post main likhne ja raha hun, us ko parh ker aap ko gussa aaye ga, ghin aaye gi, dukh ho ga - aaya aap ke andar koi talatum paida ho ga bhi ya nahi - mujhe nahi maalum.
Main bhi rozana hur insaan ki tarah akhbar parhta hun aur duniya bhar ki khabrain sunta hun, un pe kurhta hun, bahes kerta hun, duhaiyan deta hun aur phir raat ko chen ki neend so jaata hun. Kuch hafton pehle main Pakistan gaya aur wahan mulk ke halat dekh ker main kafi disturb lota. Neeche likhe gaye tin waqiyat ko 'absorb' kerne main mujhe din nahi bulke hafte lug gaye aur main aik ajeeb zehni takleef main mubtala raha. Aesi takeef mujhe aakhri baar aaj se 5 baras pehle us waqt hui thi jub main ne Rohinton Mistry ka novel "A Fine Balance" Parha tha !
1. Geo TV wale Pakistan ke 'aik aam aadmi' se interview ker rahe the - jinhe hum kammi kamin ya diplomatically 'low class' log kehte hain. Aese hi aik kammi kamin se pucha gaya ke: 'Zindagi main tumhari kiya khwaish hai?' to us ne jawab diya: 'Mera dil kerta hai anda aur seb (Egg & apple) khaun?' - itni gurbat !
2. Karachi paunchne ke baad aik din main apne bachpun ke aik dost se milne purane mohalle gaya. Main ne us se kaha: 'ghar pe khul ker baatain nahi hongi, chalo aaj nihari ki usi hotel pe beth ker khana khate hain jahan betha kerte the'. Jub hum hotel pe bethe to us ne kaha: 'yaar daal chawal mangwa lete hain' ! - Mujhe ye baat samjhne main der nahi lagi ke us ki jeb main Nihari aur Naan ke paise nahi ! Jis mulk main aik theek thak parha likha shaksh Naan Nihari afford na ker sake - zara sochiye !
3. Karachi main mere aakhri do din the. Main apne aik dost ke saath 'lasbela ke aik chai khane' pe bethe - Pakistan ke halat pe apne dil ke pahphole phor raha tha. Mujhe yaqeen nahi aa raha tha gurbat itni barh chuki hai aur uski wajah se street crime, gadagari aur prostitution is qadar aam ho chuki hai.
Mere dost ne jo baat kahi, usi ki zabani suniye:
"Tum Pakistan main street crime, prostitution aur gadagari ka zimmedar sirf corrupt hukumat ko qarar kiun dete ho. Is kharabi main muhashre ke har tabqe ka kum ya ziyada magar kuch na kuch qasoor zaroor hai. Jahan hukumat ka corruption hai wahan logon ka ye qasoor hai ke unho ne bhi apni khuwaishat ko bohut barha liya hai. Us pe media ke dramon main aalishan makan, gariyan, khubsurat libas aur pur-taayush zindagi ki tasveer ne subah sham jo aag lagai hai woh alag hai. Hur shaks ko Car, cell phone, cable, computer, shampoo, branded shoes aur naye naye kapre pahnne ka shoq hai. Sharab peena ab fashion main shamil hai. Aaj main tumhe apne ghar ka aesa qissa sunata hun jo sirf meri zaat tuk mehdood tha.
Tum jaante ho main theek thak salary kamata hun magar mere ghar main rozana meri biwi se jhagra hota tha kiunke mere liye uski hur 'aarzu' ko pura kerna mumkin nahi tha. Peechle 6-8 mahine se ye jhagre bohut barh gaye the. Us din bhi bohut jhagra huwa. Mujhe office ke kaam se aksar 2/3 din ke liye hyderabad jaana parta tha. Us din jhagre ke baad main hyderabad nikal gaya. Wahan pauncha to yaad aaya ke sare zaroori kaagzat to karachi main reh gaye. Jhagre ki wajah se dimag thikane pe hi nahi tha. Un kaagzat ke bagair meri meeting bekaar thi. Main ne office walon se keh ker meeting postpone kerwai aur usi waqt bus le ker karachi wapas nikal para. Sham ke waqt karachi pauncha. Mohalle main daakhil huwa to mere dono bachhe safoora apa ke ghar main ghus rahe the. Main ne poocha: 'wahan kiyun?' to bole: 'ammi kahin ja rahi hain. Raat der se lotain gi' Mujhe baat ajeeb lagi. Mere paas ghar ki chabi thi. Main bagair bataye chupke se andar daakhil huwa. Meri biwi sirf undergarmets pehne bedroom main tayyar ho rahi thi. Jis design ki panty usne pehni thi woh aik sharif gharane ki aurat shayed na pehne. Use CD player ke shor main mere aane ka aehsas nahi tha. Main chup chap ghar se nikal gaya. Kuch der baad meri biwi ghar se nikal ker main road per aayi. Main uske peeche chalne laga. Thore aage ja ker aik gari aa ker ruki aur meri biwi us main beth gai. Meri biwi aik call girl bun chuki thi !!"
Chalte chalte BBC ki ye News bhi parh lijye Grim life for Bangladeshi prostitutes
Main bhi rozana hur insaan ki tarah akhbar parhta hun aur duniya bhar ki khabrain sunta hun, un pe kurhta hun, bahes kerta hun, duhaiyan deta hun aur phir raat ko chen ki neend so jaata hun. Kuch hafton pehle main Pakistan gaya aur wahan mulk ke halat dekh ker main kafi disturb lota. Neeche likhe gaye tin waqiyat ko 'absorb' kerne main mujhe din nahi bulke hafte lug gaye aur main aik ajeeb zehni takleef main mubtala raha. Aesi takeef mujhe aakhri baar aaj se 5 baras pehle us waqt hui thi jub main ne Rohinton Mistry ka novel "A Fine Balance" Parha tha !
1. Geo TV wale Pakistan ke 'aik aam aadmi' se interview ker rahe the - jinhe hum kammi kamin ya diplomatically 'low class' log kehte hain. Aese hi aik kammi kamin se pucha gaya ke: 'Zindagi main tumhari kiya khwaish hai?' to us ne jawab diya: 'Mera dil kerta hai anda aur seb (Egg & apple) khaun?' - itni gurbat !
2. Karachi paunchne ke baad aik din main apne bachpun ke aik dost se milne purane mohalle gaya. Main ne us se kaha: 'ghar pe khul ker baatain nahi hongi, chalo aaj nihari ki usi hotel pe beth ker khana khate hain jahan betha kerte the'. Jub hum hotel pe bethe to us ne kaha: 'yaar daal chawal mangwa lete hain' ! - Mujhe ye baat samjhne main der nahi lagi ke us ki jeb main Nihari aur Naan ke paise nahi ! Jis mulk main aik theek thak parha likha shaksh Naan Nihari afford na ker sake - zara sochiye !
3. Karachi main mere aakhri do din the. Main apne aik dost ke saath 'lasbela ke aik chai khane' pe bethe - Pakistan ke halat pe apne dil ke pahphole phor raha tha. Mujhe yaqeen nahi aa raha tha gurbat itni barh chuki hai aur uski wajah se street crime, gadagari aur prostitution is qadar aam ho chuki hai.
Mere dost ne jo baat kahi, usi ki zabani suniye:
"Tum Pakistan main street crime, prostitution aur gadagari ka zimmedar sirf corrupt hukumat ko qarar kiun dete ho. Is kharabi main muhashre ke har tabqe ka kum ya ziyada magar kuch na kuch qasoor zaroor hai. Jahan hukumat ka corruption hai wahan logon ka ye qasoor hai ke unho ne bhi apni khuwaishat ko bohut barha liya hai. Us pe media ke dramon main aalishan makan, gariyan, khubsurat libas aur pur-taayush zindagi ki tasveer ne subah sham jo aag lagai hai woh alag hai. Hur shaks ko Car, cell phone, cable, computer, shampoo, branded shoes aur naye naye kapre pahnne ka shoq hai. Sharab peena ab fashion main shamil hai. Aaj main tumhe apne ghar ka aesa qissa sunata hun jo sirf meri zaat tuk mehdood tha.
Tum jaante ho main theek thak salary kamata hun magar mere ghar main rozana meri biwi se jhagra hota tha kiunke mere liye uski hur 'aarzu' ko pura kerna mumkin nahi tha. Peechle 6-8 mahine se ye jhagre bohut barh gaye the. Us din bhi bohut jhagra huwa. Mujhe office ke kaam se aksar 2/3 din ke liye hyderabad jaana parta tha. Us din jhagre ke baad main hyderabad nikal gaya. Wahan pauncha to yaad aaya ke sare zaroori kaagzat to karachi main reh gaye. Jhagre ki wajah se dimag thikane pe hi nahi tha. Un kaagzat ke bagair meri meeting bekaar thi. Main ne office walon se keh ker meeting postpone kerwai aur usi waqt bus le ker karachi wapas nikal para. Sham ke waqt karachi pauncha. Mohalle main daakhil huwa to mere dono bachhe safoora apa ke ghar main ghus rahe the. Main ne poocha: 'wahan kiyun?' to bole: 'ammi kahin ja rahi hain. Raat der se lotain gi' Mujhe baat ajeeb lagi. Mere paas ghar ki chabi thi. Main bagair bataye chupke se andar daakhil huwa. Meri biwi sirf undergarmets pehne bedroom main tayyar ho rahi thi. Jis design ki panty usne pehni thi woh aik sharif gharane ki aurat shayed na pehne. Use CD player ke shor main mere aane ka aehsas nahi tha. Main chup chap ghar se nikal gaya. Kuch der baad meri biwi ghar se nikal ker main road per aayi. Main uske peeche chalne laga. Thore aage ja ker aik gari aa ker ruki aur meri biwi us main beth gai. Meri biwi aik call girl bun chuki thi !!"
Chalte chalte BBC ki ye News bhi parh lijye Grim life for Bangladeshi prostitutes
Subscribe to:
Posts (Atom)